الرياض وقيادة المرأة

يااااااااه ياقيادة المرأة...

ياعالم بالله ماعاد ناقص غير نستورد سواقات بعد عشان يملون علينا
فسحة شوارعنا ياأخي الواحد وهو رايح لداومة يحزن من الوحدة في
الطريق فين وفين لما يتجاوز سيارة يالله كيف مايسمحوا للمرآة تسلينا في
فسحة الطريق على الأقل نشوف سيارات معنا ماهو الواحد كنه راكب
طريق صحراوي فارغ مافيه له ونيس أبد...

حبايبنا كثار نقول مثلنا 100 ألف أسم وقعوا طلب موافقة مجلس الشورى
بقيادة المرأة عادي جداً تسوق المرأة وش يمنع؟؟؟

أبداً مافيه مانع لاشرعي ولاإجتماعي ولاحتى أخلاقي وليه المانع أصلاً
ياعالم ماعاد عندنا قضية غير قيادة المرأة؟؟؟

طيب يامطالبين مجلس الشورى بالله عليكم ماعاد فيه قضايا غير قيادة
المرأة عادي تسوق بس نظفوا لنا الشوارع أول من هالشاحنات والزحمات
خلونا نعرف نتحرك بسياراتنا أول من كثر جلساتنا فيها جاتنا البواسير
والناسور أرحمونا وفكوا غلق هالشوارع وبعدين أنا أول واحد يخلي
مدامتوه تسوق...

أحياناً وأنا طالع من البيت أول ماأحرك السيارة وأشوف الزحمة أرجع
وأدخل البيت تصدقون أن جدول أعمالي معلق من سنتين بسبب الزحمات
وأني أحتاج لساعتين على الأقل عشان أوصل دوامي ولاأتأخر...

ياعالم عادي تسوق المرأة عادي يعني جت عليها ؟؟؟ ومالوه نزود وقت
الذهاب للدوام كمان ساعتين وإلا أقول لكم ننام في الدوام بالمرة ونرتاح
من غثا هالزحمات...