بسم الله الرحمن الرحيم

السلام عليكم ورحمة الله وبركاته،،،

راعي الطاره








عندي عم الله يرحمه رأسه وألف سيف إلا يتعلم السواقه والمشكلة على

كبر لو أنه صغير كان أهون فكان كل ماطلعنا للبر ينشب لأخواني إلا

يعلمونه وبما أنه وصاة أبونا وعمنا كانوا يعلمونه شوي شوي وياكثر

ماطفت السيارة وشرقت غثا وبهذله ولابعد كان عليه حركات من يصلون

الفجر يرجعون يرقدون إلا هو لاقط المفتاح ولايصحون إلا حرقت

السوتش من تعليقه عليه...

وأحد المرات شغل السيارة وهي معشقة ودخل عليهم في الخيمة لين بغى

يذبحهم وشوي شوي لين بدى يعرف يمشي السيارة المهم ناداه واحد من

العيال وهو يسوق ويلتفت وتلف السيارة إلا هي في الشجرة ولانقلوها إلا

بونش ومن مرة لمرة لين طب بالسيارة في حدا الشعبان وقعد مغمي عليه

فيها ولالقوه إلا بعد ثلاث ساعات والحمدلله هالمرة هي اللي فطمته من

السواقه....


والسلام عليكم ورحمة الله وبركاته،،،