بسم الله الرحمن الرحيم

السلام عليكم ورحمة الله وبركاته،،،

المكيف






المكيف عطلان ورحت للمصلّح عشان يصلحه ووصفت له البيت وبعد ربع

ساعة جاء ومعه إثنين لابسين كمامات وجسوس ولابسين بالطوات زرق

وشايلين شنطّة العدة المهم ويشغلون المكيف ثم جلسة تباحث ومشاورات وأنا

وعيالي طايرة عيونا ثم يطفون المكيف ويطلعون مفك ويطق السويتش ثم

يشغله ثانية ويقعدوووون يتشاورون (قرقر قاري قرقرقاري) وشوي يطفونه

ويلتفت علي وأنا أنتفظ الله يستر لايضحي بالجنين وتعيش الأم او العكس...


قال صدييييييق...


قلت سمممممممم...


قال هذا مكيف لازم ودي مخرطة....


قلت مخرططططططططططة ليه بتركبون له أعضاء صناعية؟؟؟؟


تبسم عن أسنان سمراء مايله للسواد وقال هذي لعبتنا...


قلت طيب كم يكلف...؟؟؟


ويقلب رأسه في البيت وشاف الوضع الفقير وقال مئة وعشرين ريال عشان

أنت أخو مسلم...


تصدقون بغيت أحب رأسه لأن اللي قبله قال لي غيره ومكاسر بأنواع

الإبتسامات لين وافق على مئة فوقعنا العقود وننتظر مرحلة التنفيذ....


والسلام عليكم ورحمة الله وبركاته،،،