بسم الله الرحمن الرحيم

السلام عليكم ورحمة الله وبركاته،،،

تتمة شوفة البيت





ومن دخلت على أبوصايل قلت السلام عليكم مارددددد!!!؟؟؟؟


قلت يمكن هذا جسد محنط حاطّه عشان السعودة وأطلع أبتأكد من

اللوحة قلت عقب هالرطرط من الموية ماعرفني وإلا مافهم كلامي

(مبداء حسن الضن) ومن قريت على سيارته الهبلاااااااا 2008 قلت

إييييييييييييييه وأرجع وأقول السلام علاكم ومير يرد وتتحرك غزوزه

(خدوده) بذيك الإبتسامه (اللي كنها أبتسامة واحد في البنك العربي

يوم رواتب المتقاعدين وجااااااه الدور)...


وقال وعلاكم السلام قلت ليه مارديت من أول مرّة قال أنت ماسلمت

أوله مار بربرت بحكي الحضران اللي أمتحنونا في هالديره راتبه

ثلاثة ألآف جنيدي وعنده سبعين بزر وجايك يتليوق عندكم شقق وإلا

أدوار للإيجار....


مير وأبي أبلع ريقي ماقدرت عيّا ينبلع (من هول الصدمة) وقال حيّاك

يابنااااخي آمررررررر


قلت مايآمر عليك أبوعبدالله (م م م م م م مدييييييييييرنا)...


عاد لازم أسوي مثله عشان ماأنكشف أني من هالحضران اللي

أمتحنونه في هالديره راتبه ثلاثة ألآف جنيدي وعنده سبعين بزر

وجاي يتليوق عندكم شقق وإلا أدوار للإيجار...


وأميل العقال شوي ومير يطيح وأبي أعدله ويطيح قلت يمكن من

المويه المهم وألمح إلا هو حاط توكه شاقه الشماغ منشبها في رأسه

اللي مايغسله إلا إذا أمطرت (اللي من أطرافه كنه شعر يماني يغير

زيوت السيارات)....


المهم وأميل رأسي وأركي للعقال بكتوفي وأجلس على ذاك الكنب اللي

أسيامه تغزز في المقعده والظهر وغديت وأنا جالس أتراقص من

الغزغزه كني تحية كريوكا...


وينادي يامعدددددن ويجيك ذاك الهندي معه ترمس قهوة يحوم عليه

الذبااااان (كأنك فوق كبري خريص وطيارات كلية الملك فيصل

الجوية تحوم تبي تنزل) وذاك الترمس أبيض ومنقلب بني...


ويصب ذاك الفنجاااااال اللي غادي من خلط المسمار(العويدي أو

القرنفل) مع الحليب والقهوة الثقيله (كنه زبدة ذايبه في ثلاجه طافيه

على مايونيز)...


ويقرب ذاك التمر اللي متلازق في بعضه كنك في طريق الملك فهد...


وقال أقددددع وتقهووووو يابنااااخي...



قلت ياجعلك تحيااااا بس القداااادي مغيرن علي (الحرقان مذيني) قال

قطعاااا تشرب تتن(زقاير أو دخان)؟؟؟؟ (على تسبدي مرررر)


وأعدل جلستي ويطيح العقال قلت عوووووووووذه تتن!!!؟


لا الله يجيرنا منه بس شيشه (هااااع أمزح)....


قال المآخوذه والله أنها زوينه....


وأعضعض براطمي أسكت لايسمعك نمر ويعلم أمه...


قال ليه يالرخيمه تهابهااااا


قلت تعقب وأنا أهمس قلت أخباااااااار إعمااااااااااار...


قال سهمها نازل...


قلت لالالالالا أقصد العماااار البناء....


قال من رخص هالحديد هاه وأنحن ماعرفنا لانبيع ولانشري...


قلت أحسن عشان يندق العقار ويقدرون المواطنين يشتروووون

(وطني)...


قال دق الله رقبتك بلااااااااااا....


الله لايسكنهم في بيوت مابزيناهم طفااااارى نبزاهم تجااااااااار وعندهم

بيوت....


قلت والله أنك صادق يابن أختي قصدي بنااااااااخي....


قلت أبي لي فليله على ذوقك...


قال بتحط فيها نوووووقك (أنثى الجمل)!!!؟


قلت لا يابن أختي قصدي بنااااااااخي....


أبي وحدتن بررررحه وشررررحه....


ويتبسم وتطلع ذيك اللثة اللي لونها موفي(بنفسجي)...


قال أسلم...


قلت الله وأعلم نصحوه والباقي على الله...


قال كمّل يالأجودي وراك تتنافض قل ماعندك وخلصنا وأقوم وأدخل

يدي في مخباتي وأدس عليه من تحت الطاولة مئة دولار...


قال وش ذي قلت تقول خلصنا!!!؟؟؟


عاد تعطيني قرطاسه علك بالنعناااااع؟؟؟؟


قلت ماعليش شكل العلك كلووه العيال الله يصلحهم...



قلت ياخيييييييييييييي ابي بيت صغير ورخيص وصاّد حق فقراء قال

رح لأبو ريالين يعطونك بيوت باردّي (بارببي)...


قلت يعني فيه وإلا لا قال فيه دوير للبيع بست مئة ألف ينفع لك قلت

موافق بس خلصنا حامت تسبدي من هالخثرقة...


ويتصل على ذاك المصري ويجيك بالثوب السعودي معه كورلا...


وقال لي من شافني آزأيييييك ياباش مهندس (عادي عرفني مهندس

لأني ناسي السيرة الذاتيه في جيبي ومن صليت الظاهر طبعت في

جبهتي (حلووووه لأن واحد فاقع كبدي يترززرز بأنه مهندس

الظاهر مكتوب على جبهته))...


المهم ويركب معنا المصري ويأخذني لذاك البيت اللي في منطقه نائية

جنب معسكر لسلاح الحدود وقال الميه حاتوصل بعد سنه والكهرباء

حوالي السنه ونص ومش حتخلص أأصادك إلا والبنيان أأأريب من

عندك والمدارس على بعد 1500 كم وفيه نأأأل معلمات بستة ألآف

للوحده والبأأأله أوريبه خالص في المحطه اللي جنبيكم حزة عصا

خمسين كيلومتر بس قلت يالأجودي تكفا أنزل شف الكفر بنشر ومن

نزل رحت وخليته...


قال بيت وقال مواطن وقال أستقرار إلا إنهياااااااااااار وأرجع طول

الطريق معي أسرتي نغني:


آل أيههههههههه عوز يشتري لوه بيت...


أوووم يالله بس ياصاحب الونيت...


ماأنتاش كفو مقنون وإلا أستخفيت....


وأيييييييييييييييه أييييييييييييه


وانا بأحب السعوديه وأحب أهل الكويت...


وأيييييييييييييييه أييييييييييييه

وأيييييييييييييييه أييييييييييييه


والسلام عليكم ورحمة الله وبركاته،،،