بسم الله الرحمن الرحيم

السلام عليكم ورحمة الله وبركاته،،،



نصيحة لكل بدوي لاتوري الحضري باب بيتك




قلط عندهم في بيت الشعر والحطب مشبوب لابس ثوب بدون شماغ السلام

عليكم شبابات ...


صعرور : هلا والله بهيثم أررررحب...


هيثم : هلا والله صعرور وش ذا الله يرجك كنكم في الجنادريه...


صعرور : يعض براطمه أسكت ياولد لاتفضحنا...


هيثم : وش فيك؟؟؟


صعرور : أسكت خلني أعرفك على أبواني (عماني)...


هيثم : يؤؤؤؤ ليه كم عندك من أبو وإلا هذولي باليد أصبر أشوف يوووو

الله باليد سبعه ياكثرهم....


صعرور : وشفيك تكفا لاتفضحنا...


هيثم : ليه جايب معي مخدرات؟؟؟


صعرور : لا ياشيييييييييييييييييييخ لايتنقدونك ويستطرد هذا هيثم صديقي

من قبيلة الضايعيين...


الجميع : يالله حيّه...


هيثم : حيّه وإلا عقرب...


الجميع : وشهوووووووووو....


هيثم : قصدي هلا والله...


أبو صعرور : من أي فخوذ الضايعين ياهيثم؟؟؟؟


هيثم : وش فخوذه وسقيانه الله يرحم والديك!!!؟ أنا هيثم بن لؤي...


شايب : متركي على عصاه والله وماقالت الظاهر ياصعرور أنه ضغاث

طير أصيفر عرقوب...


هيثم : ليه موعد ياأبو الشباب؟؟؟؟


شايب : إلا ياصعرور وشهو من لحيه هالهيثم ووشلون عرفته!؟


هيثم : يقاطعهم ويرد لحية كامري وعرفني في شارع البراميل...


وبعدين تعدلوا وتكلموا زين كنكم في قناة الصحراء ماسمعتوا أن الدنيا

تغيرت تحسبون الملك عبدالعزيز لين الحين هو ملك المملكة صح النوم

ياهووووووووه....


وبعدين مسكرين التلفزيون من ززين سواليفكم يامضارب البادية...


الجميع : قم سود الله وجهك يالمروووووووووح بعد هيثم وداخل عند

الرجال...


هيثم : لا تكفوووووووووون بأرقد عندكم الله يعينك على منتهين الصلاحيه

ياصعرور والله بتصير سالفة في الإستراحه أنت ومضارب البادية ذولي...

المهم أنا بأطلع الكوفي شوب بأخذ لي موكا وبأروح الإستراحه ألحقني

نضحك عليمك أنت والمعادلة اللي يستحيل حلّها في (ح)....

ويغادر المكان ويتلقى صعرور أنواع الملامات والسباب...

صب القهوة ياولد



والسلام عليكم ورحمة الله وبركاته،،،