يوميات شيخ النظر

**شيخ النظر** · June 24th, 2009, 17:23

بسم الله الرحمن الرحيم

السلام عليكم ورحمة الله وبركاته،،،

ياقلب لاتحزن...

مره وليتها ماكانت...

في حديقه جنب (blak box) مجموعه من الشباب الوافدين أبناء معازيبنا

في الشركات والمباني الشاهقه اللي مافيها سطوح جلست أنا وعيالي لما

كانت أم نمر تراجع في مستشفى بريق قلت أوسع صدور هالبزران في

ملاهي البلاش ولين ذا الحديقه في هالحي الراقي وفيها كوفي شوب

مايتعامل بالريال من عشره وفوق لدرجة يوم طلعت ريال أستغرب الفلبيني

يحسبني جاي من البحرين وإلا من أحدى دول الخليج لأن اللي يحاسبون

مايأخذون الباقي...

المهم إلا والشباب اللي لابسين هالجنوز ومطلعين البطن وعضلات كنك

مقبل على أحدى المراقص في الدول العربيه بودي قاردات معهم جيك مويه

أبو أربعه ريال وحاشاكم كلابه وفي يديهم زقاير وارمه كنها مفلقه وجمرتها

كبيره ويستهبلون على خلق الله إلا فيه دوريتين واقفين يسولفون جنب

الحديقه وأشوف واحد منهم طفى الزقاره في كاس المويه اللي يشربون

منها ورماه في الأرض لاحظوا في الأرض وأنا وعيالي ندور بكيستنا حفاظاً

على البيئه لأنها ديرتنا...

المهم عندي البرهي حرك الله يصلحه ويأخذ الكاس المرمي على الأرض

يبي يلعب بالرمل وأقوم أخذه منه وأشوف إلا الزقاره ملفوفه والكأس

رائحته كريهه وأخذه للدوريتين وأجي أسلم عليهم ومآخذ معي البرهي

عشان مايضنون فيني السوء ولايرد السلام قلت أخوي هذوليك الشباب

رموا هالكأس وش هذا قال حشيش وعرق قلت يعني منكر قال أيه قلت اللهم

بلغت اللهم فأشهد قال طيب وش تبيني أسوي؟؟؟؟

قلت وش تسوي؟؟؟

مأأنتب رجل أمن من منسوبي وزارة الداخليه اللي عندكم الأمن الشامل قال

لاتتفلسف أتصل على المخدرات وبماأني اعرف أني ماأحتاج لرقمهم دقيت

على 999 وكانت الصاعقه قلت ياخوي صار معي كذا وكذا وهذا رقم

الدوريه قال ياخوي اتصل على المخدرات وأنتظرهم لين يجونك وورهم اللي

صار قلت بالله عشان أروح ملح أنا وعيالي ...

قال أجل وشهو له متصل؟؟؟

قلت والله أنك صادق يالله مع السلامه...

وأدق على الهيئه خمس دقايق والله خمس دقايق إلا وهم مطوقين الحديقه

وشوي إلا وتجي سيارات مكافحة المخدرات ويمسكون حوالي ثلاثين واحد

ثلاثه خلوه غير شرعيه و15 تناول المسكر علناً وغيره فسوالي وين

المواطن الغيور اللي يبرد الكبد غيركم يارجال الحسبه....؟؟؟

أنا أدري أنها أخطاء فرديه لاتحمل الوزاره تبعياتها ولكن وين المسئولين

عنهم يعلمونهم أن المواطن البسيط لابد يؤخذ كلامه في الأمور البسيطه

لأجل يتجرئ ويبلغ عن الأمور الكبيره والله أعلم

والسلام عليكم ورحمة الله وبركاته،،،

**شيخ النظر** · June 24th, 2009, 17:25

بسم الله الرحمن الرحيم

السلام عليكم ورحمة الله وبركاته،،،

شر البلية مايضحك

هذا الصباح... عند الإشاره زول (بعد التمحيص والتدقيق عرفت أنه مايقرب

لخوينا الزول آدم) أسمعه يصرخ في ونيت مابقى من معالمه إلا الغماره

والصندوق المحمل بالتيوس شكله مآخذها لمطعم مندي أسمعه يصرخ وأنا

مسكر الشبابيك قلت يالله صباح خير شكله يصايح على أحد جنبه وأتلفت إلا

مافي الإشاره إلا أنا وهو وأنزل بسرعه أحسبه صاك على رجله وتوه

ينتبه...

وأتفاجئ أبو الشباب حاط الجوال في حظنه ويكلم من السبيكر وأتبسم عن

المشاكل وأرجع لسيارتي وتو الإشاره مولعه خضراء إلا ويطب واحد من

التيوس شكله مل من إزعاج الزول في الشارع وأضرب للزول وويوقف

على جنب وهو يقول لاحول ولاقوة إلا بالله قلت إلحقه قام أخذ الجوال قلت

ليه مع التيس جوال وبتدق عليه قال عليك الله خليك في حالك...

ويدق على المطعم قال ياغازي أنا في الموقع الفلاني واحد من تيوسكم شرد

والتيس حاير وين يروح يركض والسيارات تطالع فيه والزول واقف وأركب

سيارتي وأقدم شوي وأوقف اضحككككككككككككككك على هالكسول وعلى

مراقبين سوق الأغنام كيف خلوه يحمل ماشيه في مركبه غير مأهوله ولو

أنطلق في الدائري كم ضحيه بيكونون ضحايا لهالتيس؟؟؟؟؟

والسلام عليكم ورحمة الله وبركاته،،،

**شيخ النظر** · June 24th, 2009, 17:31

بسم الله الرحمن الرحيم

السلام عليكم ورحمة الله وبركاته،،،

تخيل معي

وصلتني رساله من ساحر في الكاميرون يقول أنت في خطر فأرجوا الإتصال

علي للضروره وإلا ستتعبك الشياطين قريتها وضحكت وقلت أهل العقول في

راحه...

واليوم الأخ وهم قال لي أنه يقرى البيالات ورديت عليه وأنا أضحك

أم نمر عند إنتهاء عزيمتها...

صلت الفجر ونامت وحاطه على باب الغرفه(don't disturb me) يعني

حرام الضعوف يحلمون أنهم ساكنين في فندق خمس نجووووم؟؟؟؟

والعيال قتلا وجرحى وآثار السعابيل ماليه مخداتهم والمكيف يهز الجدار يبي

يضارب ماهوب يشتغل مساكين ماشالوا هم للدنيا مصيرهم يكبرون

ويعرفون الحقيقه المره أني أبوووووهم...

ومازالت أرض الحوش متلبده بالغيوم والأتربه إزاء اللعب من ليلة البارح

وألغام من قواطي الببسي والصحه هنا وهناك...

وأنا ماسك الريموت كأني مراسل بيتنا قاعد في الصاله قدامي الجهاز

والتلفزيون قلت خلني أتفرج لين الأجوديه مصلحه القهوه والشاهي

وسندوتشات وبقايا العزيمه البارح من كيك وفطائر...

ولين أفتح التلفزيون على ذيك القناة التي ماخلت ولابقت جايبين واحد يقرى

على ناس ممسوسين يقول هذا فيه 15 واحد وهذا ساكنين فيه قبيله وذا

طلعنا منه ثنين ومازال البحث جاري عن الثالث وأنا فاغر خشتي وأطالع...

ولما بدى الخوف يلعب فيني غيرت القناة وبما أن الريسيفر حقنا من النوع

القديم فهو فاقد للذاكره لما تضغط زر تغير القناة للأمام يقعد 10 ثواني

يتذكر وين الأمام فيسكت قليلآً....

ومع سكتته أسمع صوت فحيح كأن واحد يتنفس ويقول احححححححححح

فأسمي بالله وأنتظر إلا تطلع لي القناة اللي بعدها تتكلم عن العين والسحر

وبسرعة البرق مسحت جميع أظافري بأسناني لدرجة أن الدماء بدأت تهطل

بغزاره وأقوم وأغير فيرجع صوت الفحيح (((أسمع صوت فحيح كأن واحد

يتنفس ويقول احححححححححح)))...

لاحول ولاقوة إلا بالله هذا ضحكي على الزول وتقبل علي القناة اللي بعدها

تتكلم عن الجن والشياطين ياربييييييييييييييييييه وش ذا الحظ؟؟؟؟

وأقوم وأغير فيرجع صوت الفحيح (((أسمع صوت فحيح كأن واحد يتنفس

ويقول احححححححححح)))...

قمت وطفيت التلفزيون قلت يمكن أنه خرباااااان ولما كنت أرد على موضوع

أم مالك إلا ويرجع صوت الفحيح (((أسمع صوت فحيح كأن واحد يتنفس

ويقول احححححححححح)))...

وأول ماطرالي الكاميروني والأخ وهم...

فقمت وتوضيت وصليت وقريت كل الأذكار الصباحيه والمسائيه وزاد

المسلم اليومي وكأني أطمئنيت شوي إلا ويرجع صوت الفحيح (((أسمع

صوت فحيح كأن واحد يتنفس ويقول احححححححححح)))...

ويلهمني الله وألتفت لينها الزمازم (((ترامس القهوه والشاي))) تصدر

هالصوت من الحراره وماأدري أضحك على نفسي وإلا أبكي؟؟؟؟

الغريب في الدوامم فيه من هو يغثك وفي الشارع كذلك وكرهت السوالف

لأن الناس صارت تصرف شئ من العباده وهو الخوف لغير الله وللأسف

معظم القنوات الفضائيه تروج لهذا الشئ وكثرة عيادات العلاج بالقرآن دون

رقيب أو حسيب والناس صارت تسولف بهالأشياء وتعطيك قصص كأنهم

قاعدين مع سيدنا سليمان عليه السلام ويجبون لك أدله وبراهين تنافي رأي

الشارع في هذا الموضوع ومطلوب أنك تقتنع وإلا ياويلك من ألسنتهم....

وين التوعيه والإرشاد بخصوص هذا الشئ ووين العقلاء من تنبيه ذويهم

بقدرة الله الخارقه لكل شئ ووين ووين...؟؟؟

والسلام عليكم ورحمة الله وبركاته،،،

**شيخ النظر** · June 24th, 2009, 17:35

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته،،،

الصدق منجي صاحبه

الأخوه الأفاضل أساتذتي الكبار

كيف حالكم جميعاً كل واحد بإسمه إن شاء الله دائمــاً بخير ؟؟؟؟

الشهاده لله كثير من المواضيع في هذا المنتدى الشامخ أدخل لها وأكتفي

بالقراءه والإستفاده وعدم ردي أنه قد لايضيف للموضوع شئ يذكر فأكتفي

بدعوه صالحه في ظهر الغيب وخصوصاً إن معظم المواضيع تحمل خلفيات

عن مواضيع آخرى لم أقرأها فأعذروني إخواني بكل حب وعسى أن

لايحرمني وأياكم المولى من الأجر...

وأعتذر لكم عن أسلوبي اللي هو على قدي

ودمتم بحب في الله....

والسلام عليكم ورحمة الله وبركاته،،،

**شيخ النظر** · June 24th, 2009, 17:38

بسم الله الرحمن الرحيم

السلام عليكم ورحمة الله وبركاته،،،

بيت

بيت وبيت وبيت وبيت وبيت وبيت وبيت وبيت وبيت وبيت وبيت وبيت

وبيت وبيت وبيت وبيت وبيت وبيت وبيت وبيت وبيت وبيت وبيت وبيت

وبيت.... إلى مالانهاية...

آه ياراسي كرهت البيوت أرحميني ياأم نمر (((جحر ضب وكل الناس

مدخلين شكامين سيارتهم في بابنا عشان نفتح لهم البارح))) آه يالبيت

رخص العقار وإلا غلا مازال المبلغ بالنسبة لي فلكي واللي خذوا مني

وخلوني مغفل يوم مارجعوا والمشكله يدعون الخوف من الله فحسبنا الله

ونعم الوكيل...

والسلام عليكم ورحمة الله وبركاته،،،

**أم مالك الأزدية** · June 24th, 2009, 17:49

[align=center]وعليكم السلام يا شيخنا الهمام
والله لو كل مواطن سوا زيك وفعل وطنيته
كان سلمت البلد من الكثير مما يحدث لها
لا تلتفت للمواضيع واصل طرح يومياتك مدري مذكراتك النافعة
وصدقني بتؤتي أكلها بحول الله وقوته
وجهت الدعوة لكثير أعرفهن وعليك تجيب لنا راجنو
قله ترى مافيها شيء لو كان هنا هناك
قله المعرفة ماهيب حروف تسطر في منتدى واحد وخلاص
مجرد ما يرحلون الناس تنساهم
وش بيضره يكون هناك ويطل علينا هنا
وترانا غير خاضعين للملكية
المهم ما نبيه يقصر في عمله هناك بس يطلطل علينا في يومياتك
والله أنه حسوفه
قله أمك يا راجنوووه تناديك
وتعتب عليك
لا يخلونه يعق فيني[/align]

**شيخ النظر** · June 25th, 2009, 00:07

المشاركة الأصلية كتبت بواسطة أم مالك الأزدية

[align=center]
وعليكم السلام يا شيخنا الهمام
والله لو كل مواطن سوا زيك وفعل وطنيته
كان سلمت البلد من الكثير مما يحدث لها
لا تلتفت للمواضيع واصل طرح يومياتك مدري مذكراتك النافعة
[/align]

بسم الله الرحمن الرحيم

السلام عليكم ورحمة الله وبركاته،،،

سيدتي الفاضلة شهادة أعتز بها من قلم واعي مثقف أكمله الله بفكر ناضج

أشكر لك إطرائك واسئل الله أن يجعلني عند حسن ضنكم...

ومن ناحية طرح المواضيع فأنا ماضي على ماأنا عليه ولايخيرني هذه الأيام

سوى بعض المشاغل الخاصة التي أتمنى أن يعينني الله على قضائها...

المشاركة الأصلية كتبت بواسطة أم مالك الأزدية

[align=center]
وصدقني بتؤتي أكلها بحول الله وقوته
وجهت الدعوة لكثير أعرفهن
[/align]

بحمد من الله لم التفت يوماً للماضي ولم أندم عليه فعندما أبداء أبداء بمعية

الوحدة وماألبث إلا أن يتزاحم علي الأخلّاء مادمت مراعياً لله فالله كفيل

بالنجاح...

المشاركة الأصلية كتبت بواسطة أم مالك الأزدية

[align=center]
وعليك تجيب لنا راجنو
قله ترى مافيها شيء لو كان هنا هناك
قله المعرفة ماهيب حروف تسطر في منتدى واحد وخلاص
مجرد ما يرحلون الناس تنساهم
وش بيضره يكون هناك ويطل علينا هنا
وترانا غير خاضعين للملكية
المهم ما نبيه يقصر في عمله هناك بس يطلطل علينا في يومياتك
والله أنه حسوفه
قله أمك يا راجنوووه تناديك
وتعتب عليك
لا يخلونه يعق فيني
[/align]

أوصلت الرسالة كما أردتي أن تصل وله الحق في الرد وقد وعدني به...

والسلام عليكم ورحمة الله وبركاته،،،

**شيخ النظر** · June 25th, 2009, 00:11

بسم الله الرحمن الرحيم

السلام عليكم ورحمة الله وبركاته،،،

تقاسموه

ذبحونا هالعيال الله يصلحهم ويهديهم متقاسمين البيت عاد من زينه جحر

هالضب...

نمر حاط شبك وفيه عناقين وتيس وكاتب عليه محمية طيورمهدده

بالإنقراض تمويه...

أبو جاسم مربي حمام في صندقه وكاتب عليها حديقة حيوانات مفترسه...

والبرهي حاط لي شبك فيه دجاج وجنبه شبك فاضي لعانه وكاتب عليها

مخططات للبيع بالمزاد العلني...

والغاليه شبك وزارعه فيه بصل ونعناع وكاتبه عليه محميه روضة شحيم...

وجميله شبك كبير مكتوب عليه أبتعد 100 قدم ناقلتها من وايت بنزين تراه

مكهرب بمليار واط ملكيه خاصه وعليه نحلتين تدور سانين أشواكهم...

وتوته ناثره ألعابها ومطوقتها بالمراكي والمساند وتقول شاليهات في البر

الليله 1500 ريال وفاتحه الخزان للي يبي يسبح...

وأم نمر منثره القدور في البيت وكاتبه عليهم بليلة وذره وفشار على عشره

الكاس...

والخدامه بالمكنسه الكهربائيه تغبر على البيت كلما ماشافتنا جالسين رايحه

جايه...

وأنا قاعد على زلفة الباب معي بروشور مكتوب فيه صيف بيتنا أروع من

المسيار على الجيران أتصل على الهاتف الموحد

9200000000000000000000000000000

عشان تعرف وين بتنغث الليله...

والسلام عليكم ورحمة الله وبركاته،،،

**شيخ النظر** · June 25th, 2009, 00:14

بسم الله الرحمن الرحيم

السلام عليكم ورحمة الله وبركاته،،،

عيالنا والمقيمين

دقت علينا أم نمر بعد الصلاة وقالت خلص البصل كانك تبي غدى جب معك

وأتذكر أصحاب سيارات من عيالنا المثابرين يبسطون بسيارتهم ويبيعون

خضار ولايأخذون منك إلا ريال مكسب لا ويحمل لك البضاعه نفس خفيفه

وضرساً ضاحك وتوني وقفت إلا وتجي ذيك السيار الصفراء (كنها علبة

فيري) اللي مكتوب عليها لعانه في مدينة الرياض لأني ماكنت لابس

النظارات فيبدو ماقريتها زين...

ينزلون منها شباب (المتميلحين بأسم النظام) معهم جوالات كبار سود

سبيكرها عالي قال للبياع هات إثباتك وأستمارة السياره وصادروا بضاعته

وأنقلبت أبتسامة الضعيف لنفثات كأنه يقرى على نفسه....

إلا وينط أبوجاسم قال ليه يأخذون بضاعته ولايحاسبون قال نمر هااااااااع

إلا هو اللي بيحاسب مخالفه تقضي على ماجمعه في سنه الله يهدي هالعيال

طالت ألسنتهم الله يصلحهم...

ونتجه للمول لين نفس الخضار ملزق عليه باركود وسعر وكيسة البصل

بثمان طعشر ريال والضعيف يبيعها بسبعه وحدى عشر ريال حلال يامهلكة

المستهلك وفيه عند الخضره شامي وجهاً ودر شكله مابعد غسل وجهه من

البارح قلت ممكن تحمل لي الكيس قال شووووووووو مالك معاق (وألتفت

بسرعه قلت ولد أم مالك الله يمسيها بالخير) وطلع مالك حق المنتخب قلت

لاسمعت أنه بيلعب المبارة الجايه قل شووووووو هالرواأن على هالصبح

والساعه وحده الظهر ماعلينا هالشامي معها ماجستير فيزياء نووويه

وباكالوريوس أحياء دقيقه ودارس ثانويه صناعيه عشان يتمكن من بيع

الخضار والغبن جاي بفيزة راعي ولاهو على كفالة راعي السوق...

تعوذت من الشيطان وحملة البصل ورحت أحاسب إلا وأشوف موقف

سأذكره لكم لاحقاً....

والسلام عليكم ورحمة الله وبركاته،،،

**شيخ النظر** · June 25th, 2009, 00:17

بسم الله الرحمن الرحيم

السلام عليكم ورحمة الله وبركاته،،،

دجاج بلاديك

الديك حيوان لابس شماغ (العرف) منسفه بنت البكار ويلبس ثوباً مزركش

وملون (هذا البلدي الأصيل ولد الحمايل) أحسن من الرومي الأبيض اللي

رزته بالكيماويات وكلاهما شنبات يعني عندهم غيره غير طبيعيه واحدهم

مايرضى يشاركه في الدجاج أحد وإذا كنت ماتعرف بروتوكول تربية الدجاج

وحطيت ديكين راح تلاقيهم مضارب (كأنهم عيالنا في الطلعه عند المدارس)

لحد مايذبح واحدهم الآخر...

ولوحظ في الأونة الآخيره أنتشار آخر للهيوايات السابقه فقد أستعاض

الناس عن المراسله بالبريد إلى المراسله بالإيملات والأس أم أس والوسايط

المتعدده بالجوالات وبدلاً من الطوابع البلوتوثات...

وعاد شبابنا صاروا يتنافسون على جمع الطوابع قصدي البلوتوثات بشتى

الطرق والوسائل بعد وحده الوسائل (جازت لي) المهم وأشوف مع نمر في

جواله (يعني تراني متابع عيالي) أثنين هنود يمشون لابسين وزره (وزار

ولونقي بالهندي) ووراهم شباب وواحد يصورهم المهم ويجي واحد من

شبابنا ويرفع الوزار إلا بانت محاشم الهندي عزكم الله...

اليوم من صلينا الجمعه أنا ونمر وأبو جاسم بيجيني واحد مسوي نفسه

متابع ويقول وين البرهي؟؟؟ أقول أنك مامن أحد لأن البرهي ذكرت سابقاً

أنه حرك وعمره خمس سنين وعنده هيوايه عجيبه لما دخل للروضه

مايشوف ناس إلا ويعدهم ولين راح معنا للمسجد طلع من الصف وجاء

جنب الإمام وقعد يعد المصلين...

المهم ونلقى في أحدى المولات ثنتين من فصيلة البقر اللي لابسين فساتين

سود (راجع العبايه الإسلاميه) يتضاحكون عند الكاشير والسواق واقف

بوزاره (الوزره) ينتظرهم عشان يشيل المقاضي وفاتح الصدر والشعر

بربطه وحاط بكله يعني شباصه يعني مغاط يعني ذيك اللي تسوي كعكع في

الراس اللي لين أنكسرت تصير دبق...

وصدق من قال لاتأخذ معك بزر يفشلك...

ويصيح نمر يباااااااااااااه لين كل المجمع شافوني كني فرحان أني أبو قلت

سم وش عندك قال السواق ترى ماعليه سروال تحت تنورته (الوزار) قلت

اسكت قال والله العظيم زي البلوتوث اللي مسحته من جوالي ويسمعونه

البنات ويركضون لسيارتهم وأن وعيالي لسيارتنا قلت لازم نتابعهم ونكلم

راعي البيت (يقال أننا عندنا سر نوووي) وشوي إلا هم دخلوا حارتنا عاد

حنا في الرياض يدوب تعرف جارك بوجهه لما تسلم عليه وأنتم رايحين

للمسجد بس هم في الشارع اللي ورانا عشان كذا ماعندي له سفاره في

بيتنا(أحد عياله اللي يعرفون عيالي وإلا زوجته اللي تعرف أم نمر) المهم

وألقى رجال في الخمسه والأربعين (ماأنتب سهل يالفطين حدد عمره باليوم)

ويوم دخلوا الحريم وقفت عنده وأبتسامتي كانت أكثر شئ متواجد في

خشتي وقلت السلام وعليكم وقال وآثار الإستغراب باديه على محياه رد

السلام إلا ونط نمر ترى سواقكم ماعليه سروال تحت تنورته (الوزار) قلت

أسكت قلت ماعليش أناااا إلا ويعصب والسواق ينزل المقاضي بدون أحم

وإلا ياولد فقال وش دخلكم هذا الضعيف ماقصر يشتغل في يوم راحته

وبعدين ملابسه ماتشوفها تغسل وناشرها جنب الباب قلت طيب آسفين

ومشيت وخليته وقلت سبحان الله حافظ حقوق العامل وناسي حقوق الله...

آآآآآآآآآآآآآآآآآآآآآآآآه ياحليلك يالديك والله أنك عندك دم وغيره على كثير من

ربعنا...

والسلام عليكم ورحمة الله وبركاته،،،