هو خلص الحب!؟
وشابت القلوب؟
ولا بقا بي إلا قلب..
في ذكرياتك يذوب..
رغم شيباته صغير..
مراهق في جعبته الوفير...
لاهو بكيفي...
والظاهر أنه بكيفك..
مامرني طيفك..
صيام..
يامفطرة..
على ذهني تفكير
في ذكراك..
كانت الساعة تمام
عقارب...
تبذر الوقت تبذير
من مشرقي لمغربي
إنتظار...
فتل لحيتي وشنبي
وأثره هاجسي تخدير
تعدتني..
أربعة أيام..
وسبقتها بأيام..
صايم وهايم..
غرير...
يتخبى عن أمه..
ويفطر غرام...
لين هالشهر يطير
ظنّك يجيبك عيده!؟
لا تقولين يمكن!!
كل هقاويك بعيده..
ولابك ممكن..!
غير الغير ولايصير..
في رحلة التفكير
أفطرتك وبالغت
لين صامني بالي
ولعبادة خلوتي تفرغت
في صلاتي لحالي..
أمني ضلالي..
يامهجتي هذا كثير..
حني..
على الكهل الضرير
وأعتقي طيفك
من أسر كيفك
وإلا خذيني..
في سلوتك أسير..