تعالي
ياللي رسمتك في خيالي
ماأعرفك
ولا عمري شفتك
لكن..
لك صورة في بالي
خذت لك أماكن
في قلبي..
في عيني
في ضحكتي من تالي
أبعيشك للجنون
أبستشعرك ياحنون
في وحدتي أنتي أمالي
توصفي مثل ماتبين
عمرك عشرة أو ستين
وحدة..
مابي منك ثنتين
ملامحك صباحات والا ليالي
لك فيني...
سيل مشاعر..
هلت سحايب إحساس
رغم الوباء ياعيني
حب طاهر..
بين قلبي والأنفاس
وينك ياللي تمنيتك فالي
خذيني دخيلك
في سكتك أبضيع للخرف
ضميني خليلك
أبعيش حنانك للترف
مرخصاً لعيونك كل غالي
الحب إنسان
وأن صوروه شيطان
يبقى إنسان
يعيشه الخلان
مابين مر وحالي
ياللي ماتدرين
شوفيني في بعثرت الحروف
ملهوف...
أناديك تكفين
خذيني على قلبك ألوف
شغوف
أسميك الحب وتسميني الغالي
في قلبي الشايب
غابات من السوالف
وعواطف
مولاها ذايب
وعايب...
يدور الموالف
ولا يخالف..
لعيون الحبايب
طايب
ينتظرك في وحدته خالي
وش تحترين!؟
تعالي ياشيختي
ختيارك ماعاد يبالي
تعالي...
تعالي...
مليت وحدتي لحالي...
تعالي...