بسم الله الرحمن الرحيم
السلام عليكم ورحمة الله وبركاته ,,

اليوم الله يسلمكم عندنا لكم قصة وقصيدة للشيخ الفارس (جديع بن منديل) حين طلّق زوجته الشاعرة (مويضي الدهلاوية) حين تغزلت به شعراً ..!!!!

الشيخ الفارس جديع بن منديل بن هذال راعي الحصان , مشهور قديماً بغزواته الكثيرة وغاراته المتالية وكان يأخذ بالغزوة 7 شهور, و الشيخ جديع متزوج الشاعرة مويضي الدهلوية العجميه , وكانت تحبه وتتغزل فيه وتفتخر بكثر معاركة وإنتصاراته على الاعداء, وبإحدى غزواته وصلتها البشائر لها وهي بالرس أن زوجها قد أنتصر بمغزاه
. فقالت هذه القصيدة تمدح زوجها وتتغزل فيه وتلمح بإشتياقها له...وقالت


[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
ياراكب حيل ابروسه لجاجــــــــــه =امظريات للمســـــــــــاري والادلاج

لا روحن بالدو كن إنزعاجــــــــــه =سفنن حداها بالبحر بعض الامـواج

سفن البحر سود بروسه فجاجــــه = وارقابهن زعاج من يبس الامــواج

تلفون شيخٍ نازلٍ بالعجاجــــــــــــه = اجديع اللي للمجاويخ زعــــــــــاج

مودع على المطران كدراً عجاجه =هجيجهم من بين أبانات وســــواج

خلا المريخي طايحٍ في مداجـــــــه = والخيل بالجبلان راحن مـــــــــراج

سلم على اللي راح للحول ماجــــه = وقله خويك ضايق الصدر واعـــلاج

وقل لابن وايل كان وده ايواجـــــه = القيض فات وبارق الوسم زعـــاج

حطيت لك ريش النعامه أولاجـــــه = والبطن لك يامدبس الخيل مسهـاج

امـي توصيني عن الانزلاجـــــــــه = وقلبي اليا جاء طاري البدو ينفاج

أمي تقول أن التمني سماجـــــــــه = وأقول أنا بعض التمني به أفــراج[/poem]


وبعد ذلك رد الشيخ جديع بن هذال على قصيدة مويضي الدهلوية العجمية السابقة بقصيدة وطلقها لسبب أنها تغزلت به . وان قصيدها أصبح يحكي به كل الرجال وهذي هي القصيدة :

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يا راكب حيل ٍ الى لجلجنـــــــي = عوص لهن مع نازح البيد مرمـال

الى مشن مديدهن ما يونـــــــــي = لكن حاديهن مع الدو خيـــــــــال

والعصر عند صويحبي بركنــــــي =والظهر عند صخيف اللون مقيــــال

لاجيت موضي يامناي ومظنـــــي= وصل سلامي لبنت ماضين الافعال

وقله تراها طالق الحبل منـــــــــي= اللي قصيده يلعبه كل رجــــــــــال[/poem]


الشيخ جديع بن هذال طلق زوجته على شئ لايستحق أن تجازي به مثلها كالطلاق ، علماً ان شخصية جديع القوية كان من المفروض ان يكون حكيماً وفي نفس الوقت غيرمتسرع في إتخاذ القرار, . فبعد هذه القصيدة ردت عليه مويضي الدهلاوية العجمية بقولها :

[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
حي الجواب وحي منهو جوابـــــــــــه =ياشيخ يا مكدي غثيثين الاجنـــــــاب

يا شيخ والله ما مشيت بمعابـــــــــــه=ولا خايلت عيني على كل نصــــــــاب

وأن كان قولي فيك كلن حكابــــــــه=عرضي نزيه ولا حكى فيه هـــــــزاب

ارجيك رجوى البادية للسحابــــــــــــه=وجازيتني في كلمة ٍ مالها أسبــــاب

هذا النصيب وما بغى الرب جابــــــــه=وان صك باب العبد عند الولي مية باب[/poem]


وبعدين تندم الشيخ جديع بن هذال وأراد أن يردها زوجة له لاكنها رفضت وقالت :

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
جديع يومنه بغاني بغيتـــــــــــــه=ما طمحوني عنه كثر العشاشيــق

واليوم يومنه رماني رميتـــــــــــه=رمية وضيحيٍ رموه التفاقيـــــــــق

جديع أنا حرمت مسكان بيتــــــه =الا مغيب الشمس يرجع لتشريــــق

ولا أن صوت الحي يوحيه ميتــــــه=أو ينبلع سم الحيايا على الريـــــق

عسى يجيني شيخ يسمع بصيتــه=سنافي يعطي من طوال السماحيق[/poem]


ويوم طلاقها سمع الشيخ مجلاد بن فوزان بها وبآخر بيت قالته في قصيدتها وتزوجها ...
ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته,,