يوميات شيخ النظر

[شيخ النظر]

بسم الله الرحمن الرحيم

السلام عليكم ورحمة الله وبركاته،،،



شيخ ونجد كل صباح




شيخ: صباح الخير يانجد...


نجد: صباح النور ياشيخ...


شيخ: هل السيارات فيك تتزاوج؟؟؟


نجد: وشفيك خبل أنت؟؟؟


شيخ: لا صحيح لأني أشوف كثرت التريلات قلت يمكن رجع عصر

الديناصورات...


نجد: ماتفهم أنت أنها كثرت المشاريع...



شيخ: طيب ليه كلها متجهه شرق...؟؟؟



وليه كلها تطلع من الساعه سته ليه مايطلعون الساعه تسعه مثلاً...



نجد: هذا اللي صاير ماتشوفهم على الخط السريع صافين كأنهم سرى عند

سيارة مرور...



شيخ: طيب بعضهم يخالف وفيه سيارات نقل اللبن والخبز والسطحات

وسيارات العمال...



نجد: عادي حتى ذولي بيوصلون دواماتهم وإلا بلحالك اللي تشتغل!؟



شيخ: طيب ليه مافيه لوحات تعلمهم بوقت سيرهم بدال مايكون فيه في كل

طريق سيارة مرور وليه مافيه مخالفه صارمه مثل قطع الإشاره عشان

يلتزمون بهالوقت؟؟؟



نجد: وأنت وش دخلك ماتلاحظ كثرة بربرتك؟؟؟



شيخ: يانجد أنا أحبك عشان كذا حاب أساعد على تنظيمك...



نجد: أقول خلك في حالك أحسن لك....



والسلام عليكم ورحمة الله وبركاته،،،