بسم الله الرحمن الرحيم

السلام عليكم ورحمة الله وبركاته،،،

سلك أمورك تسلك




ياخييييييي خاف الله فيني ذبحتني لك أسبوع هالورقة ناقصة وإذا جبتها قلت

ذيك ناقصه وش الحل مطلوب أخلي هالمعامله اللي أنتظرها تخلص من

سنه؟؟؟؟


ياخوي هذا النظام ماهو عاجبك رح اشتك شف أكبر مدير وقلّه...



في مكتب المدير ساعتين إنتظار وبعد ذلك بوجه بارد تبيه يخالف النظام

عشانك؟؟؟؟



رجعت ثاني مرة للموظف لينه وقت آذان إلا هو طالع يمخمخ (يدخن)

وأبدى معه سواليف الأولين شكلك ماروقت من الصبح؟؟؟


ويطالع فيني متى المعرفة؟؟؟


قلت سنة وأحنا نعرف بعض أمداك نسيتني توي كنت عندك في المكتب...


قال أنت الغثيث اللي لك سنة تطارد على معاملتك؟؟؟


قلت بالضبط 412 يوم...


قال أنت شكلك غبي!!؟؟؟


قلت بزوووود كيف لاحظت؟؟؟؟


قال سلك أمورك تسلك....


قلت وشلوووووون؟؟؟؟


قام وحك سبابته على إبهامه (أدهن السير)...


قلت يعني كم؟؟؟

قال بصورة الملك عبدالعزيز البنفسجية...


وأمدها في يده (كني في أحدى مطارات الدول العربية)...


وقال رح صل وتعال...


واصلي إلا وخمس دقايق المعامله جاهزه...


وأنا أبكي من الفرح وأناشد الجميع سلك أمورك تسلك قبل لاتهلك...


والسلام عليكم ورحمة الله وبركاته،،،