المنتقد
قصيدة جميل ،، لبداح العنقري
اختلفوا الرواة في نقلها وفي عدد أبياتها
***
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله لَحَد يا ما غزينا وجينا = ويا ما ركبنا حَامِيَات المَشَاويح
ويا ما على أكوارهن اعتلينا = ويا ما ركبناهن عِصيْرٍ مراويح
ويا ما تعاطت بالهنادي يدينا = ويا ما تقاسمنا حلال المصاليح
وَرَاك تزهد يا أريش العين فينا = تقول خيّال الحضر زين تصفيح
ترا الضفر ما هوب للضاعنينا = إمقسمٍ بين الوجيه المفاليح
البدو واللي بالقرى نازلينا = كلٍّ عطاه الله من هبة الريح
يوم الفضول بحلتك شارعينا = والشلف ينحونك سواة الزنانيح
يوم انكسر رمحي خذيت السنينا = وادعيت عنك الخيل صم مدابيح
الصدق عندك كان ما تجحدينا = هيا عطينا الصدق يا هابة الريح
هيا عطينا الحق هيا عطينا = واما عطيتيناه والله لا اصيح
لا اصيح صيحة من غداله جنينا = أمه خلوج وضيعتها السواريح
يا أبو نهود كنه فرهدينا = عنهن جديد الثوب غادة شماشيح
يا عود ريحان بعرض البطينا = وامنين ما هب الهوا فاح له ريح
لا خوخ لا رمان لا هوب تينا = لا مشمش البصره ولا هن تفافيح
وخد كما قرطاسه في يمينا = وعيون نجل للمشقى ذوابيح
صخف ولطف بانهزاع ولينا = يا غصن موز هزعه ناسم الريح[/poem]***
قصيده فروسية وشجاعة
الشاعر بداح العنقري التميمي
من العناقر من بني سعد من تميم
فارساً ًأحب البادية وعشقها
أثرت فروسيته وشجاعته في تكوين شخصيته
قصيدة جميله جمعت بين
وصف غزل فخر شجاعة وفروسية:
مواقع النشر