الشاعر فهيد البقعاوي : اصطبغ في البداية بالطابع الاجتماعي، وساهم في مشاركات شعرية وطنية ومناسبات, من شعراء حائل رغم كثرة وقوة حضورهم, شاعر لقِب بأسير الموق ،، وهو ممن طوع القوافي فانصاعت له . بنى بيوتا وأبياتاً في قلوب محبيه سكنت بهم دون تحفظ أو سؤال عن شخصية هذا الشاعر الإنسان دونما تحفظ سواء كان شعريا أو غنائيا أو إنشاديا .

ط§ظ„ط´ط§ط¹ط± ظپظ‡ظٹط¯ ط§ظ„ط¨&#1.jpg

اترككم مع قصيدة من قصائد هذا الشاعر والتي نشرتها له جريدة الرياض صباح هذا اليوم ،،،


البر والخوه وحلو التعاليل
والطير والمقناص وشوف الصحاري

ورفقة رجال ٍ للمعالي مداهيل
دايم لهم عشق االقنص به مواري

سوالف ٍفيها نصايح وتهليل
وذكر الولي بكل حزه وطاري

وخوة رجال ٍللمواقف مشاكيل
ناس ٍلهم بالدين منبع وقاري

هذا هواي ومنوة القلب بالحيل
ويشهد علي الله هذا اختياري

واللي يرد الروح لاشفت انا السيل
منظر يشد العين بتذيك البراري

ياحلو رشه يوم جتك الهماليل
والوادي اللي سال حد الخباري

والطير حر ٍوبالقنص زان تكميل
شكله وفعله يوم صاد الحباري

والنار وبجنبه دلال ومعاميل
ماله بوصفه للونس من مجاري

وصوت الطيور اللي صداهن مواويل
يم الفياض ويم ذيك المحاري

ونبت الخزامى والبختري محاميل
بطلع الزهرلاشع نور النهاري

والليل هادي والقمر بآخر الليل
شعاع ضيه للغلا دوم ساري

والجلسه اللي مابها الا الحلاحيل
كل ٍعلى ماقيل للطيب ضاري

هي منوتي مالي بها ائي تبديل
وهذا هواي ورغبتي واختياري