(السميه) خطيييييييييييييير

[بنت النجم]

السلام عليكم ورحمة الله وبركاته
جايبه لكم اليوم طريقة حلى سهله وحلاته ما ياخذ وقت في تحضيره
وكل من بياكله بيقول تسلم يدينك على ضمانتي يعني (مجرب)
المهم نبدأ المقادير:
1:كيس شعيريه باكستانيه تكسرونه
2:ربع أصبع زيده
3:علبتين صغيره حليب سائل(أو كاستين)
4:ظرفين كريمه
5:علبة قشطه
6:سته مكعبات جبنة كيري(تأخذ كل تفكيري)لازم علشان ما يحاسبونا لان الدعايه ناقصه
7:علبة حليب مركز
8:ملعقة بودرة نسكافه وملعة بودرة نسكويك
9:بسكويت شاهي غير مملح
أنا عارفه أنصدمتوا من المقادير يمكن كثيره بس شوفوا الطريقه أول
الطريقه:
1:نذوب الزبده في قدر مو مره كبير ولا مره صغير ونحط عليها الشعيريه ونحمصها
2:وفي قدر ثاني نحط الحليب ونسخنه ألين يصير حار بعدين نحط عليه ظرفين الكريمه ونخليه عالنار ألين يغلوا ونشيله من فوق النار ونضيف له القشطه ونقلبها ألين تندمج القشطه مع الخليط تماما
3:نحط خليط الحليب على الشعيريه بعد ما تتحمص ونقلبه تمام بعدين نحط الخليط كله في صينيه بايركس(زجاج)
4:نرص البسكويت على الخليط في الصينيه
5:نحط في الخلاط الجبنة والحليب المركز ونخليه ينضرب البن يصير الخليط ثقيل بعدين نصبه فوق البسكويت ونوزعه بالملعقه وآخر شي
6:نخلط النسكافه مع النسكويك ونرشه(مو لازم كله)على خليط الالجبنه والحليب المركز
وبالصحه والعافيه على قلبكم وبطنكم

ولا تنسون اذا سويتوه عطونا رايكم فيه

[بنت النجم]

معقوله ما أحد جرب يسوي الحلى علشان يعطينا رأيه
والله صدمتوني

مع كل الاغراءت اللي قدمتها
قلنا حلو وسهل التحضير وبعد ما ياخذ وقت
حرام ظلم
أنا عارفه كلكم ألحين بتجربونه
ولا سويت لكم مظاهره

[المغتربه]

ولاتزعلين حبيبتي بنت النجم

شكلها حلو بس المقادير ماهي متوفره عندي
وإن شاء الله من يومما تتوفر عندي راح أسويها وأعطيك النتيجه

مشكوره يالغاليه

[نسيم الصباح]

تسلم ايدك يابنت النجم

شكله حلى لذيذ

مع ان اسمه غريب

[ابو فيــصل]

بسم الله الرحمن الرحيم

جزاك الله خير اختي بنت النجم اكله رهيييييييييييييبة
كثري من الطبخات الحلوة اللي مثلها

تقبلي مروري

لك مني أجمل تحية

ابو فيــصل

[بنت النجم]

[align=center]شكرا لكم أخوتي المغتربه و نسيم الصباح و ابو فيصل
على مروركم واطرائكم[/align]