أبي أعرس

[نجم سهيل]

:

والله لامطعم ولا تيوس ولاحتى طيور
وراحت السكرات وجات الفكرات انا شايل هم ثلاثة تيوس بشرية
وقاعد افكر في تجويزهم
وياليت المسألة تاقف عند تجويزهم وبس لكن وين اسكنهم وين؟
البيت كبير بالحيل ولا يصلح شقق وتشاورت مع فتاتي ام سعود
وقلت لها نبيع البيت ونعمر عميرة من اربع شقق وملحق كبير فوق السطوح
وقاعد اكلمها وانا مستغرق في هذرتي وتفاكيري ورايح ن في وادي وام سعود
في وديان ثانيه
وانتبهت ولقيت المره ماهيب معي ورايحة بعيد بعيد حتى وصلت مطقع الشيطان

- خير وش فيه يامره ؟
= الحين خالد ومتجوز وخلصنا منه
لكن العلة في الثلاثة ؟
- إيه وش فيهم ؟
= ياخوفي لاتكون انت رابعهم
- كاكاكا كاع طاع يامره اعقلي اعقلي انا شكلي ووجهي وجه جواز ؟؟؟
= نسيت المعرعر اللي تعدى الثمانين وماخذن بنت عشرين ؟ هاه ؟؟
-وبدت الاجواء تتقلب وتتشقلب ومن حوار إلى هواش وقطعته بالتهديد والوعيد
شوفي عاد والله ان ماعقلتي ان تراي اسويها من جد

=إييييه هذا اللي انت تدور عليه اطلع وبان وانا دارية ان هاللف والدوران
كله عشان تعلثلك بسبب
و تسويها والله تسويها وكلكم يالشيبان والله مالكم أمان ولا خاتمه
=وعلى ارتفاع صوتينا وانتفاخ اوداجنا واحمرار عيوننا
وفي غمرة هذا الحراج حضر ت الدوريات الأسرية من الأبناء والبنت الباقيه
خير خير ان شا الله وش اللي صاير ؟؟

وكان الجواب حاضرا وأسرع من البرق وهزيم الرعد
على لسان المرعدة المزبدة ام سعود
وهي تولول قائلة شفتوا شفتوا ابوكم وش بيسوي ؟
الرجيلي يبي يتجوز وحاطكم حجة له يقول يبي يجوزكم
وانا ادري انه رابعكم وفي ساقتكم
لكن على مين ؟ على مين

وارتفعت ضحكات وقهقهات العيال وبرّدوا وجيهنا وهم يغادرون
الغرفة قائلين
بكيفكم مالنا شغل فيكم

وتركتني ام سعود وراحت تدربى للمطبخ وضبطت براد الشاهي
المنعنش اللي على الكيف
وانا آسفه يابو سعود
وقمت اتميلح شوي والوي بوزي ولكنها تخبرني زين زين
وتعرف تمثيلياتي
وقامت تتمتم ببعض تمايمها السحرية الين خلتني انفرط
مثل الزمبرك من الضحك

=والله مدري وش تالية ضحكك ؟
-يامره خافي الله في ماتجوزت عليك وانا شباب
اجي اتجوز عاد وانا مكوكي ؟
=يوم انك شباب ماكان عندك فلوس
والحين ماشا الله عليك تقدر تجوز عيالنا على ثنتين ثنتين
مو وحده وحده وياخوفي والله
لايهزك الشوق

-طيب ولا تزعلين هم ثنتين ثنتين وانا بس وحده
=شفت شفت ؟انا داريه عن علتك
لكن شف والله ان جبتها عندي ان اكسر رقبتها مع رقبتك
-ليه هو انا مجنون والا عايفن عمري ؟

طيب تعالي انحسبها زين
يعني لو جبتلي مقيريدة ثانية يعني بلوة ثانية بتكلفني
مهر وبيت ثاني
غير وجع الراس منك انتي وياها

عشان كذا انا قررت آخذ وحدة جديدة وبكر
ولا تكلفني بيت ولا عفش
وطارت اعيون ام سعود وبغينا انسوي حراج من جديد
ولكني رفعت ضغطها من جديد وانا اقوللها وبعد تروحين
معي وتختارينها انتي بنفسك وذوقك
هاه هاه اذلف انت وشفها بنفسك والله يهني سعيد بسعيده

-والله يام سعود ما يهنالي بال الا الين تروحين معي
وتختارينها بنفسك وتشاركيني فيها بعد
=أببببب وانا ام سعود انت وش تقول ؟؟
-لاوبعد تركبينها معي
وكاد أن يغمى عليها بعد أن ألجمتها هذه العبارة المزلزله و
وأنقذ الموقف دخول محمد وهو يسمع كلمتي الأخيرة
ويتحدث إلى أمه قائلا
يابنت الحلال هو عينه على وحدة جديدة وانا اللي اقترحتها عليه
وموب انتي اللي تركبينها معه وبس حتى حنا بعد
واللي ابوي حاطن عينه عليها سيارة جمس جديده
وقامت ام سعود تدربى
وين رايحه
ابسوي شاهي
طيب واللي طفحناه وشهو
سفهتنا وراحت وجابت حبحب

[محمد بن سعد]

صباحكم خير وبركة

والله مالك حق ترفع الضغط على ام سعود


وآخرتها

محمد :

واللي ابوي حاطن عينه عليها سيارة

منزلكم العامر - موقعه واعد - ولم تستثمر من ارضه بعد



كما نرى مساحة الحوش الفسيح
يمكن بناء جزء منه عنارة سكنية

أو

شراء اقرب ارض حولكم
شرط ان تترك المهمة هذه
على الأبناء دون أي تدخل

http://www.wikimapia.org/#lat=21.395...&z=19&l=10&m=b

تحياتي

[نجم سهيل]

السلام عليكم ورحمة الله وبركاته
وشكرا لمشاركتك يابو سعد
ولكن الصورة الجوية قديمة قديمه
شارعنا 52 تجاري على 4 مسارات
ومساحة الارض 1618 م مربع والمسطحات 1200م
وقيمة المتر الحين 1300ريال

وقال صفوا صفين قال حنا كلنا اثنين
كنا ثمانية وصرنا اربعه والبيت شغالتين ما يغطنه
وانا مابي الدكاكين ولا العماره تف عليها حامضه
انت تبيني اتفاهم معك ؟
طيب اطلعلي في الفسحة الكبيره

[محمد بن سعد]

السلام عليكم ورحمة الله وبركاته
وشكرا لمشاركتك يابو سعد
ولكن الصورة الجوية قديمة قديمه
شارعنا 52 تجاري على 4 مسارات
ومساحة الارض 1618 م مربع والمسطحات 1200م
وقيمة المتر الحين 1300ريال

وقال صفوا صفين قال حنا كلنا اثنين
كنا ثمانية وصرنا اربعه والبيت شغالتين ما يغطنه
وانا مابي الدكاكين ولا العماره تف عليها حامضه
انت تبيني اتفاهم معك ؟
طيب اطلعلي في الفسحة الكبيره

طبيعي ،، هناك مساحة جيدة يمكنكم استثمارها
وذلك بعد ازالة الملاحق التي على الشارع

بأمكانكم رؤية الماسحة المثلثة الحالية



وتحويلها بعد الإرتداد الرسمي كي تصبح كالتالي



فكرة المعرض (معقولة التكاليف) وسيتسع الطابق العلوي بالبلكونات
هذا وابنكم مهندس اتركه يعارك التصاميم ،،،