يا زين المشي في الروض الأخضر

[نسنوسه]

يا زين المشي في الروض الأخضر لا شعشع المخضار
يازين الديرة اللي من حقوق الوسم ممطوره
يريح البال سج في الفياض الخضر والمسيار
سعادة للقلوب اللي من السلوان مسروره
متى عيني تشوف اللي على قلبي ربيع ودار
اشاهد للسعادة في حياة المجتمع صوره

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اختى الغالية نسنوسه ...سلمها الله

[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
يا زين مشي البر لو كنت حافي=لا صار خطو الروض مثل القطيفة
بفصل الربيع اللي به الجو دافي=بس القطا بالريع توحي رفيفه
تلقا الغدير اللي به النقع صافي=بين الخمايل والفياض المريفه[/poem]

بارك الله فيك اختى الغالية وفى انتظار المزيد ...السلام عليكم ورحمة الله وبركاته ,,

[نسنوسه]

أمطار وخير ورحمة من ربي
والقــاع من عقب الظمــآ ممطوره
ياكبر حبـّي لـ طاري البر ياحبـّـي
صعبة خفوقي يوصــّـف لهفة شعوره

اخوي المنتقد
تسلم على الذوق المميز للأبيات الجزله
عساك ع القوه