بسم الله الرحمن الرحيم


السلام عليكم ورحمة الله وبركاته



حال المدارس




بما أني ناقل لبيت جديد من يوم السبت وأنا كل يوم راز وجهي في

المدارس اللي في حيينا الجديد عشان أنقل عيالي لها وبصراحة شفت

التجيهيزات على قدم وساق فأول يوم لقيت المدرسين ومدير المدرسة

فاتحين صالة حلويات وقهوة وشاهي ومباركات بالعيد السعيد وأنواع

الفطور اللي فارشينه في غرفة المدير والقهر ماقالوا لي تفضل بس

ياخوي تعال باكر اليوم يوم السلام العالمي قلت وبروسكم...



و يوم الأحد جيتهم ولين المدرسة تصفر بس هالمرة جالسين في غرفة

الوكيل ولعب بلووووت وناس تطالع في التلفزيون وحوسه وبصراحة

بغيت أطلب حجر باعشن وأنتظر دوري في البلووووت...



أما يوم الأثنين مالقيت في المدرسة غير ورقة التوقيع في

قفاها (لنا - لهم) والبنقالي قاعد ينظف بقايا ثورة البلوت لأمس ومن

سألته وين الشباب اليوم قال واحد نفر يجي يوقع كلوا ورقه وبعدين

يروووووه بيت...





سلام ياسلام على التعليم ودورات الدايات اللي بيعطونهم أياه الظاهر أنهم

يحترون محترفين الدوري الأسباني عشان يجون يعطونهم الدورات وإلا

ينتظرون موافقة الفيفا للإعتراف بالبلوت كلعبة عالمية...





والسلام عليكم ورحمة الله وبركاته