السلام عليكم ورحمة الله وبركاته
كيف حالك يابو عبد الله ؟؟ عساك بخير ان شاء الله ؟؟؟
راحت علينا يابو عبد الله كنا نلعب ونتسلف ونبهذل الشيبان
حتى نشتري لوازم الكوره ونلعب من قلب ونحرث الملاعب
ركضي ورى الكورة أيام طقها والحقها ألين تقطعت عصب ركيباتنا

والحين كل واحد يقول طعشر ملوون ومحمد نور منفص اعيونه يبي
18 ملوون ريال والبلا كله من رؤساء الأنديه
سعد لو ماهوب مالي يده كان مارطن ومثله نور اللي طارت شعثته
وقطرت سعابيله من العروض اللي من تحت الكراويته أو المركاز

لكن السالفة صايرة مثل سوق سلقلق بلقلق والطاسة ضايعه
والانديه بس تخرب على بعضها

طيب المفروض عند موسم الانتقالات ورفع السقالات وبدون قائمة
الإنتقالات يفتح المزاد العلني واللي يدخله يحط 5مليون ريال
لضمان عدم انسحابه إذا رست عليه البضاعه أعني البيعه اللاعب