بســم الله الـرحمــن الرحيــم

السلام عليكــم ورحمـة الله وبركاته ،،



من سوالف أم نمر



نورة بنت آل هن أعتقدت ان وجود خالتها (أم زوجها) عندها في البيت رح

يحبس حريتها وظنت انها ظلمت نفسها لما وافقت على كذا من الاول لكن

الحين ما عاد ينفع الصوت تزوجت واللي كان كان ما يمديها تشرط سكن

مستقل. ومن كثر التفكير خطرت على بالها فكرة دار المسنين! فاتحت زوجها

بالموضوع ورفض في البداية لكنها استعملت اساليب اقتاعها قالت له ان الدار

اوتيل خمس نجوم ومكان راحة للناس اللي كبروا بعدين تلقى احد تسولف معه

وتوسع صدرها مع ناس في سنها وخدمات طبية وخدمات فندقية وندوات

واجتماعات و...و...و...


وافق الزوج المغلوب على امره عشان يسكتها... وهي طارت من الفرح عشان

الحماة الداهية بنتقلع من خلقتها –مع انها مو كذا مسكينة منعكفة بغريفتها ما

تتحرك مسلمة امرها لله ان دخل عليها احد هلت ورحبت وان ما دخل ما سألت

الزوج ما علم امه عن شي ابد اخذها وبدون علم الزوجة وداها لبيت اختها

على انه رايح يوديها لدار العجزة. رجع للبيت لقى نورة متشققة بتطير من

الفرحة مرتبة البيت ومعطرته ومظبطة عمرها ما فيه خلق ما لبسته المهم

سالت زوجها بلهفة : هاه خلاص وديتها؟؟؟

رد الزوج : ايه وديتها بس لو اقول لك من شفت هناك ما تصدقين!

سألت متحمسة: مييييييين؟؟؟ قال لها : شفت

أخوك محمد جاي يدخل امه يقول انها تضايقنا في البيت وزوجتي تشتكي منها

كثير...!


دورت نورة على اقرب كنبة وتسيقطت مغشيا عليها بعدين ركبتها ام العبيد

وقامت تصايح وتصارخ: طيب طيب يا محمد يالظالم مب حرام عليك ترمي

امك هالرمية السوداء؟ هي يوم ولدتك ما رمتك الله ينتقم منك يالظالم وين

حقوق الام عليك؟ تتخلى عن امك والجنة تحت اقدامها عشان عيون زوجتك

فوزية الله لا يردها؟ طيب يا فويز والله ما اعديها لك على خير! هذي امي على

بالك بسكت لك واخليك تستفردين ببيتها لحالك معصي...!


رد الزوج: طيب ليه متضايقة تلاقين امك مرتاحة ما قلتي انها بفندق خمس

نجوم خدماتهم فندقية وفيه خدمات طبية وتوسع صدرها مع اللي فسنها...,و ...و ...؟!


قالت متحمسة بقوة: أي خدمات فندقية اصلا ما يروح هناك الا اللي ما لهم

عيال ولا عيالهم بايعينهم وامي عندها عيال وبدل ما ترفع راسها فينا بعد ما

ربتنا وزوجتنا كلنا نتنكر لها ونقطها في دار العجزة...؟! بعد ما ردت لوعيها

التفتت على زوجها ولقت على وجهه ابتسامة صفراء فهمت غلطتها واختزت

وعرفت ان هذا كله اختبار لها بيكشفها على حقيقتها وكل هالكلام مب

صحيح... بعدها تعدلت نورة وصارت تمشي عالعجين ماتلخبطهوش...


سأل رجل النبي صلى الله عليه وسلم : يا رسول الله من أحق الناس بحسن

صحابتي؟ قال: أمك. قال ثم أي؟ قال:أمك. قال ثم أي؟ قال:أمك. قال ثم أي؟

قال أبوك.



والسلام عليكــم ورحمـة الله وبركاته ،،