سقيتيني الكاس من حلى حبك
وتركتيني باقي العمر عطشان
وطلبتيني اصون بالعهد وصلك
ورحلتي عني وغيرتي الاوطان
وقلتي يمكن القلب يحن ويودك
واردللك ياعذب وارق انسان
حسبتي الحياه بكيفك وودك
ولعبتي بمشاعر ارق انسان
جمعتي بقايا شتاتي بهمسك
ورسمتي صورتك فيني هيمان
تركتيني اطارد بقاياكي وسرابك
واسابق الريح وانا بالحيل تعبان
تركتيني اصارع الموت في حبك
وبين الرجا والياس غديت حيران
ونداء على القلب يابنت حبك
لا جور السنين تمحيها ولا النسيان
واصبح كامل القلب مكتسيه حبك
وعازله عن باقي الاهل والخلان
حرام اضيع مابين نفسي ونفسك
واصير على باقي الليالي سهران
ان كان انتي غلطتي بضنك وحبك
فبشتكيكي لله سبحانه العادل المنان
وان كان الحب جا صوبي وصوبك
فانا اشهد ان الحب فيما بننا ماخان
وان كان انا غلطة يابنت في حبك
فانا افتخر اعيش باقي العمر غلطان