يوميات شيخ النظر

**شيخ النظر** · June 27th, 2009, 14:39

بسم الله الرحمن الرحيم

السلام عليكم ورحمة الله وبركاته،،،

تحبوني

برز في السعوديه جيل من مواليد 1405 هـ ومافوق تعود على المطالبه

بالتهديد أو الأحتواء المشروط (وهذا حسب أراء النقاد سوء في التربيه

ولاعجب تلاقي تصرفات في المجالس تبين هذا الكلام) تحبونييييييييييي

أشتروا لي سياره....

بنتكمممممممممممممممم الغالية طلعوا لي رقم مميز وجيبولي أي فون

ومهما كبروا تبقى عقلياتهم صغيره...

طيب وش الحل مع هالأشكال قال تحبوني مباشرة لا للأسف ترى بأطلع من

البيت قله وأنت طالع صك الباب لين يسوي مايستحق أنه يأخذ السيارة لأجل

يعرف أن الدنيا كذا أتعب تلقى والبنت لو قالت بأطلع هذي مايبي لها شئ

حط قطوه عند باب غرفتها وإلا حاشاكم (صرصار) وإلا دخله عليها وقل لها

شوفي ذنوبك وش جابت لك...

والسلام عليكم ورحمة الله وبركاته،،،

**شيخ النظر** · June 27th, 2009, 14:41

بسم الله الرحمن الرحيم

السلام عليكم ورحمة الله وبركاته،،،

شخبوط

كانوا شباب عطّل قاعدين في الإستراحه يلعبون ورقه والمناديل وبقايا

الفصفص حولهم ومعهم واحد سبيهّه (شخبوط) كلاً يلعب عليه بس يطلع

منه شغلات عجيبه جداً وضع قزاز على سور الإستراحه وسلك مكهرب

عشان الحرميه اللي يسرقون الرسيفر والغاز وبعد طريقته والإستراحه

مرتاحه من مشاكل هالحرميه...

وكان لشخبوط صديق أسمه عزام أنسان في حاله لكنه زعووووول (يصلح

لك ياراجنو) المهم كلهم مجتمعين في الإستراحه تريقه على بعض حوالي

عشرين واحد إلا ويجي إعلان في التلفزيون أن رئيس الدوله مات بعد

عشرين مره ترشيح ونسبة فوزه في كل مره بنسبة 99،9% وعلى

الراغبين في ترشيح أنفسهم للرئاسه التقدم لأقرب مجمع أنتخابي نط عزام

وقال بأرشح نفسي كلهم قاموا يضحكوووووووووووووون عليه

ماتخساااااااا أقعد بس ياللي فيك مايخطيك قال والله أن صرت رئيس لأخلي

الشعب كله يلحس (((رجلي))) (تكرمون) (صك على رؤساء العالم)...

المهم ويرشح نفسه وينجح وأول من حاربه شلة الإستراحه وين الوعد

فضحوه في الجرايد كل يوم مقال الرئيس الزلابه لايفي بوعده (من عرفك

صغيّر حقرك كبيّر) وهذولي صحف المعارضه...

المهم ويجمع مجلسه الوزاري وقال لهم المشكله وإذا ماحليتوها بأحل

المجلس وأقول أعتذروا عن أداء مهامهم...

وبعد أسبوع يجي نائبه ومعه شخبوط صديقه الأول وقال ياشخبوط هذي

المشكله ونبي الحل قال عطوني ريموت وزمزمية (ترمس) شاهي وحب

قرع ومركا لجنبه ومركا لرجليه المهم والساعة ثنتين وإثنين وعشرين

دقيق في الثانيه الثانيه والعشرين ولحظتين شبكت مع شخبوط وقام ودق

على عزام الرئيس وقال له صور رجلك وتعال...

فلما صور رجله وجاه قال هذي الصوره تسويها طوابع اللي يبي يرسل

رساله لابد مايلحس الطابع عشان يلصقه على الرساله وبذلك تحقق

حلفك....

والسلام عليكم ورحمة الله وبركاته،،،

**شيخ النظر** · June 27th, 2009, 14:43

بسم الله الرحمن الرحيم

السلام عليكم ورحمة الله وبركاته،،،

الشيخ بن فلان

مرينا في شارع بن فلان...

رايحين للحديقه وتقراء جميله مكتوب على الحديقه حديقة الشيخ بن فلان

وشوف عقل الطفل تناظر إلا الشارع مكتوب بأسمه!!!

وقعدوا يلعبون وسط أكوام الورق وبقايا الأكل من شعبنا الوسخ والمتخلف

اللي لين رحت لحديقه تلاقي كنه طايح عليها جليد من المناديل والقراطيس

والفصفص ولو وجهت أحد بنصيحة قال (وش دخلك أنت اللي بتكنسها)...

المهم ضفينا أغراضنا وركبنا السياره إلا وتصيح توته يباااااااااااااه هالمره

ماأرتعت لأني كنت أشوفها ترقص قلت لبيه ياأمي قالت أبيييييييييييييييي

حمممممممممام (وأنتم بكرامه) إلا وأقرب مسجد وألقاه مسكر قالت توته

ليه مقفلينه قال البرهي يمكن أنه أذن (على باله بقاله) وساعه لين فهم...

المهم وأقرب براحه خليتها تتصرف...

ولاحظت جميله تقراء أسم المسجد مسجد الشيخ بن فلان وشوي إلا تقراء

على قصر كبيررررررررررررررر منزل الشيخ بن فلان ومن لفينا على

الشارع العام إلا أسواق الشيخ بن فلان...

فقالت جميله ذا الشيخ بن فلان ماخلى شئ للحكومه كل شئ عنده غطى

على الملك....

والسلام عليكم ورحمة الله وبركاته،،،

**شيخ النظر** · June 27th, 2009, 14:45

بسم الله الرحمن الرحيم

السلام عليكم ورحمة الله وبركاته،،،

طخطيخ

دخل الأستاذ على رابعه (ب) ومباشرة تحت السبورة يلقى خمسين ريال

الجديده تلمع في غبرات البلاط فوقف قدامها (الخمسين آخر الشهر تفك

زنقات كنها ألف) فقال يالله ياشباب طلعوا كتبكم وبمجرد ماألتهوا في تطليع

كتبهم عاد من زين هالشناط (علبة تشكيله متنثره دفاتر مشققه كتاب

مشخبط عليه بقايا فسحة أمس بيض مسلوق فايحه ريحته) المهم وينزل

الأستاذ للأرض لألتقاط الخمسين ريال وييدور ويبحك البلاط لينها رسمه

على البلاط والطلبه (هههههههه في منتدى ماهم بفصل) ويعصب وقال والله

لو ماتعلموني منهو اللي رسمها على البلاط، أن كلكم تأخذون في التقييم

أربعة وقام واحد رأسه كبير أسمه طخطيخ وقال أنا ياأستااااد...

قال الأستاذ : الآن تروح تجيب ولي أمرك...

طخطيخ : أبوي في المستشفى منوم في الإنعاش..

الأستاذ : يالله قم مشينا نروح له...

وفي المستشفى فعلاً أبو طخطيخ في العنايه المركزه مربوط من رأسه

لرجليه تقول صادمته تريلا...

الأستاذ : يا أبو طخطيخ ولدك هذا لازم نفصله من الدرسه...

أبو طخطيخ : بنبره غير واضحه وبصوت متعب لييييييييييييييه ياستاد

وشهو مسوي...

الأستاذ : الحقير راسم لي خمسين ريال على الأرض لين ضحك علي

الطلبه...

بسسسسسسس هذا اللي هو مسوي أحمد ربك...

الأستاذ : الحمد لله بس وش عليه!!!؟؟؟

أبو طخطيخ : أنا راسم لي أمه بقميص النوم على عداد الكهرب...

والسلام عليكم ورحمة الله وبركاته،،،

**شيخ النظر** · June 27th, 2009, 14:52

بسم الله الرحمن الرحيم

السلام عليكم ورحمة الله وبركاته،،،

وجدتها

أنسدحت على ظهري فوق ظهرت البديعه وقعدت أفكر بنظرية أطرحها بين

الناس تخلد أسمي وتكون لي بمثل العلم النافع الذي ينتفع به إلا وطاح على

رأسي ذاك القوطي مصحوباً بشئ من الأتربة والغبار ولما قمت من الروعه

صرخت وجدتتتتتتتتتتتتتتتتهااااااااااا إلا جني سكران وراي يلحقني

جبهاااااااااااا حقتيييييييييي...

وبعد مطارد في شوارع الرياض ضيعت به ثم رقيت على كتوف المملكه

سبحان الله كأنها واحد لابس فنيله علاقي...

المهم فقررت أن أطرح نظريتي في الساحات فهم حسب مايقولون وإلا تراي

ماشفت مثققققققققققققققققققفين وينفعون أعضاء لمجلس الشورى لوربوا

الكريشات شوي....

وتنص النظرية على الآتي:

أن المواطن السعودي دونما غيره له ميزه لاتوجد في مواطن آخر على وجه

البسيطه فبعد آخذ عينه عشوائيه ودراسة مطابقة جوانب النظريه عليهم

وجدنا الآتي...

من سن الولاده إلى الخامسه يتميز بالحنحنه والصجه وعلامته الفارقه دايم

يسويها على نفسه وعلى فراشه...

ومن سن الخامسه إلى العاشره كثر المشاكل بحيث ينطق في المدرسة

والشارع فيجي يطق أخوانه في البيت وعلامته الفارقه مخاطته دايم بوجهه

(حاشاكم) ودايم ملابسه متسخه...

ومن سن العاشره للعشرين يتميز بفراغ الدماغ من البلاي ستيشن إلى البي

أس بي والبانشي إلى شراء كوريلا أو كامري حسب أمه مدرسه وإلا

موجهه أو مراقبه ماتعطي أبوه تخاف يعرس عليها وكبر هالولد وجت من

حقه وحكمتها (ماأحد بيآخذ معه للقبر شئ) وعلامته الفارقه طواقي كنها

كيسان بيره اللي يطلعونها في الأفلام وشعور مربوطه كعكع ولايعرفون

الزي السعودي مع نعومه في الأطراف وطول في الآظافر...

من سن العشرين للثلاثين جيل المشغوليين والأسفار لأندونيسا ودبي

والبحرين ومصر وعلامته الفارقه العطاله والترزز في الأسواق مغازلجيه

ومع الواحد ثلاث جوالات وتسع شرايح سيارته دايم تلق وتلاقيه متابع

لبرنامج 99 وبرنامج أحمر بالخط العريض عشان يعرف يسولف...

من سن الثلاثين للخمسين جيل كبرنا والله وبدى الشيب يطلع وهذا جيل

التعابا الغلابا وعلامته الفارقه وجود كويه في العلبا (قفا الرقبه) أو آثار

جرح بالغ في جسمه...

من سن الخمسين للسبعين مستشفيات والوساويس ولايعجبهم شئ وهذا

الجيل ساخط على كل شئ وعلامته الفارقه صدوع في الرجلين مع لبس

ثوبين وشماغ وغتره بدون عقال وحفظهم الله أكثر من يعمر بيوت الله في

كل الفروض...

وعندما يأتي من يطبق هذه النظريه لتصبح قاعده فإن شعبنا الكريم غير

مؤهل لفك الحصار المالي عنه...

والسلام عليكم ورحمة الله وبركاته،،،

**شيخ النظر** · June 27th, 2009, 14:57

بسم الله الرحمن الرحيم

السلام عليكم ورحمة الله وبركاته،،،

وزير

على رقعة الشطرنج وليس في الواقع

بالله لاتزعلووووووووووووووون مني...

وزير وأيا وزير أختلسوا مئه وثمانين مليون ريال ولص قوها في منهم

بعدهم ولاصار لهم شئ غير نحوا من مناصبهم عفواً أعتذروا عن مواصلت

عملهم لأسباب خاصة وهم الآن ينعمون بصرفها وكل مايصرفون منها شئ

يقهقهون (بالله لاتزعلووووووووووووووون مني...) أيها المتعاونون على

عدم تسليمكم رواتب تسعة أشهر...

والسلام عليكم ورحمة الله وبركاته،،،

**شيخ النظر** · June 27th, 2009, 15:05

بسم الله الرحمن الرحيم

السلام عليكم ورحمة الله وبركاته،،،

التخطيط

ما مفهوم التخطيط ؟

هو القدرة على تصور المستقبل لتلبية احتياجاته في ضوء الأهداف

والإمكانيات ، والتنبؤ بالمشكلات المتوقعة، واقتراح آليات العمل المناسبة.

ما هي الخطة الاستراتيجية ؟؟

هي وثيقة مكتوبة تلتزم بها كافة الإدارات في المؤسسة تتناول أولويات

المؤسسة وطموحاتها ، وتشرح الوضع الحالي لها ثم تبين رؤية عامة

لمستقبلها.

لماذا نحتاج هذه الوثيقة ؟؟؟

نحتاجها لأنها :

-تحدد توجه ورؤية مشتركة بين الجميع حول توجه المؤسسة؟

-توفر إطارا عاماًَ وتحدد الأولويات لعمل الإدارات المختلفة في المؤسسة.

-توضح البرامج والسياسات التي تعمل على ترجمة هذا الإطار إلى واقع.

- توفر مرجعية واضحة ودقيقة لعملية المتابعة والتقييم للمؤسسة.

ما هي فوائد التخطيط :

-تحديد الأولويات .

-تقليل المخاطر المتوقعة.

-تحقيق التكامل والتنسيق .

-استخدام أمثل للموارد والإمكانيات .

-السيطرة على مشاكل التنفيذ.

مرجعية أساسية لعمليتي التنفيذ والمتابعة والتقييم

ما هي مكونات الخطة الاستراتيجية :

ما هي مكونات الخطة الاستراتيجية :

-منهجية إعداد الخطة الاستراتيجية

-تحليل البيئة الداخلية والخارجية (swot)

-الرؤية والرسالة .

-القيم المؤسسية .

-الأهداف الوطنية.

-الأهداف المؤسسية (الاستراتيجية)

-مؤشرات الأداء.

-البرامج و خطط العمل .

-آلية المتابعة والتقييم وقياس الأداء.

الأسئلة الخمسة في إعداد الإستراتيجية :

-من نحن ....؟؟

-ماذا لدينا الآن ...........؟؟

-أين نريد أن نصل ........؟؟

-كيف نتأكد أننا وصلنا ....؟؟

-ماذا ببعد ذلك....؟؟؟

والسلام عليكم ورحمة الله وبركاته،،،

**شيخ النظر** · June 27th, 2009, 15:11

بسم الله الرحمن الرحيم

السلام عليكم ورحمة الله وبركاته،،،

العلاج

مستشفيات وصيدليات للسعوديين وآخرى للأجانب...

ماأجمل أن نرى دويلات داخل دوله وأنظمة على السعوديين لاتطبق على

غيرهم من الفائديين...

بعد صلاة الجمعة أمس صابني صداع وأنا في السيارة وبماأني لاأحب أكل

العلاجات فلا أحب وضعها معي في السيارة المهم وأوقف في حارتنا عند

صيدلية مليانه (حاشاكم) حفايظ وأنواع الحليب وخرابيط تلقاها في

السوبرماركت وخمسة أنواع علاج من أغلى شئ وأطلب منه حبتين

بندول فأستغرب وهو مطير عيونه فيني...

فجلست أتلفت وراي قلت يمكن مطير عيونه في أحد فقال بسخافة

المصريين أيه يابني داخل بئاله قلتأولاً أبلع ريقك لاتطيح عيونك وأناداخل

أكبر صيدلية في مصر ياواطي ياأجرب وش تعرفني عشان تستظرف

وهم كذا إذا شديت عليهم أرتخوا قلت فيه وإلا لا؟؟؟

قال لا أحنا مانبعش إلا بالعلبه!!!!؟؟؟

ولين فيه شاب أربعيني سعودي قاعد يمترني بعيونه كنه بيفصل لي ثوب

العيد قلت سلامات يالحبيب وش عندك تطالع قال لا بس مستغرب أن

فيييييييه ناس تسأل عن بيع بالحبه في الصيدليه ماعندك تشتري علبة

شريتها لك (عاد أنا أستمخخخ وأنبسط على هالأشكال اللي علمه بالدنيا

التفتيش على طريق الخرج)...

قلت له معك وإلا بتتسلفها وإلا بتروح تجيب من البيت ؟؟؟

إذا عندك دراهم وحاب تفزع أيه والله تصدق علي بألفين ريال؟؟؟

عادي عادي ألحقك للصراف وإلا للبيت!!!؟

من شافك أنت ووجهك لابس قميص البيت (مغربي) ومبينه أباطك من

ورى هالفنيله المشقوقه قال ذا جاي يشحذ في الصيدليه ماهو جاي

يشتري...!!!

لمعلوميتك الواقف قدامك وملبسينه حماية البيئه جكيت أبيض تراه هنا

عندنا بس وإلا في ديرته ييبيع في أطلق صيدليه بالحبه وأثناء أنتشار

الفيروسات يبيعون الأدويه المشروبه بالملعقه والحين مسوي لي هنا فيها

دكتور والله مايعرف إلا عشرة أنواع ومغيبهم والباقي حفايظ (حاشاكم)

وحليب وبودرة وشمبو...

المهم وسحب قميصه على تحت ودف النظارة على ورى وقال ياأخي هذا

أنظمتهم في بلدهم بينما أحناااااا في هالبلد كذا نظامنا ويؤيد كلامه الصيدلي

ويطلع لي ورقه تعميم كنه ورقة شحااااذ وبصراحه أفحموووووني....

ولاشريت البنادول وأستمريت في طريقي متجه لأحد المكاتب اللي بأشتغل

لهم معقب في البطحاء وأقابل مهندس هندي صديق ويلززززم علي نتغدى

سوى المهم ورحت معه لمطعم كل اللي فيه يحكووون ماأدري من اللي

يسمع (هز روس وككرورغم) المهم ويطلب أكلات هنديه دجاج تكا ولحم

بالرز برياني ومرق وبطاطس والحساب لنا الأثنين مع عصير برتقال

كبس (22 ريال بيجيك واحد يقول عشانه أكل هنود رخيص أقوله رح

للتحليه وشف كم تحاسب أنت وزوجتك على غير نكهه ولاطعم في المطعم

الهندي) وأفتح معه سالفة صداعي وتعبي وعرض علي نروح لأحد

المستوصفات المنتشره في البطحاء لين مراجع في مستشفى كبير قالوا لي

بعد مامصوا دمي وفلوسي فيك الشقيقه (Migraine)

وعطوني بخاخ كنه سياراة الفليت (حاشاكم) بصراحه خفت أستخدمه...

قلت شوف ترى مامعي إلا مئتين ريال قال ليه بتسوي عملية
جراحيه!!!!!!!!!!؟؟؟

قلت في نفسي يستهبل علي وإلا وش القصة قلت يعني تكفي قال وزيادة!؟

قلت نروح ونشوف...

المهم والله يشهد بدون مبالغه دخلنا ذاك المستوصف اللي أتمنى وزارة

الصحه تأخذه معيار للنظافة والترتيب وذيك الوجيه المبتسمة والروائح

الزكيه من الديتول وغيره والحمامات (حاشاكم) نظافه ومناديل وأنواع

الصابون السائل والبودرة وعامل مخصوص لها بصراحه طارت

عيوني...

المهم على الإستقبال ستة موظفين بينهم حرمتين كلهم من الجنسيه الهنديه

وأبتساماتهم على وجيهم (كأنهم قراء يوميات شيخ النظر (مآخذ في نفسه

مقلب)) أتوماتيك للمرأة تتقدم لخدمتها مرأة والرجل رجل وبكل أدب نعم

سيدي قلت أعاني من صداع وأبي دكتور العيون فقال أستشاري وإلا عام

قلت بكم هذا وبكم هذا قال العام بعشرة ريال والإستشاري خمسطعشر

ريال قلت غالي قال عندنا خطة نرخص لإثناء عشر ريال لأن المنافسة

مشتده بينا والآخرين بس نتميز عنهم بتوافر جميع أنواع الإستشاريين

المهم وأقطع تذكرة مراجعه لإستشارية العيون لين ذاك الوجه الباسم

ومعها ثنتين ممرضات ولما عطيتها معاناتي وأنخفاض النظر عندي

حطتني قدام كاشف النظر وبدأت تضغط على حواجر عيوني وعلى جبيني

وكان الألم يزداد مع الضغط ثم كتبت لي تحويل لأستشاري الأنف والأذن

والحنجرة والتحويل من دكتور إلى دكتور مجاني فلما تكلمت معاه لأنها

رافقتني له تفحص وجهي وعلى جوانب خشمي ومباشرة أعطاني تذكرة

لعمل أشعة للوجه وأروح للصندوق وأدفع عشرين ريال قيمة الأشعة

ويسوون لي أشعه لينها كبر جوالي صغيره وكان مبين فيه زي الدوائر

حول العين والأنف وقال لي أنت مشكلتك بسيطة قلت وش فيني!؟

قال عندك أحتقان في الجيوب الأنفيه هو اللي مسبب لك الصداع طيب

والحل قال عشرة أيام لاتأكل لحوم حمراء ولاتشرب ماء بارد وتأخذ هذا

العلاج لمدة ثلاثة أيام وتمرني بعد عشرة أيام...

المهم نزلت الصيدلية (عامه) وأعطيه الوصفه وأشوفه يفكك من العلب

ويقص ويعد ثلاث حبات وست وتسع حبات ويقوم ويحطها في أكياس

صغيرة ويقسم لي الشراب في قاروره صغيره ويكبسها من جديد وقال هذا

حبه كل يوم وهذا حبتين في اليوم وهذا ثلاث حبات في اليوم والشراب

تشرب خمسه ملل في اليوم وكم الحساب 17 ريال يعني مجموع ماخسرته

52 ريال قيمة الدخول لطبيب عام في مستوصفاتنا في الحواري لدرجة

من أستهتارهم فينا هاللصوص ، السعوديه ارخصوها وهانوا عملتها مع

العلم أن التقبيل في البطحاء والإيجارات توصل لأرقام فلكية والفارق بين

البطحاء وغيرها أن الزبون غير سعودي إذا مامشيت على مزاجه عطاك

ظهره ومشى ويعلم جميع بني جنسه...

واللي غيره يبي يبيع لو بنص وربع حبة البنادول ...

وعلى فكرة صيدليات البطحاء تتنافس بإحضار مجموعة مختلفة

من العلاج الواحد كي تتباين الأسعار والعجيب الغريب عندهم تعميم من

وزارة الصحة بأحيقة البيع القطاعي أو بالحبة ولاهم مهتمين بالحفايظ

(حاشاكم) والشامبوهات بقدر ماهم يبعون ماتعنية الصيدلية وهي الأدوية...

وهذا أنا ولله الحمد في ثاني يوم وضعي تحسن بنسبة 80 % وراحت

فلوسك يالمواطن على علاجات ومستوصفات وصيدليات السعوديين التي

لاتبيع إلا بالكرتون والعلبة والباقي أقرب زبالة (وأنتم بكرامة) أرم فلوسك

قصدي الزايد من العلاج...

والسلام عليكم ورحمة الله وبركاته،،،

**شيخ النظر** · June 27th, 2009, 15:16

بسم الله الرحمن الرحيم

السلام عليكم ورحمة الله وبركاته،،،

500

كانت في جيبي...

ساتره عيبي...

رازها قدام...

عليها مغاط...

وطقطق...

من زود الأحتياط

مشتق...

ورابطها برباط...

من الخيوط القدام...

ومخيط الجيب عليها...

وكل دقيقه أتحسس وألآقيها...

وفي مره...

ياقردها من مره...

أضطريت...

وأنحديت...

على صرفها...

ومن طلعت من مخباي...

وأنا أمشي خلفها...

لين راحت بلياي...

ودموعي تقطعني...

راحت الخمسمية...

المكينه تقول ميه طعني...

ولاطعتها مولية...

من فكيتها...

مالقيتها...

كانت بيديه...

وتبخرت يعني...!!!؟

نصيحه ياسامعني...

أياك تسحب خمسمية...

والسلام عليكم ورحمة الله وبركاته،،،

**شيخ النظر** · June 27th, 2009, 15:17

بسم الله الرحمن الرحيم

السلام عليكم ورحمة الله وبركاته،،،

المقاضي...

أم نمر تكتب قرطاسة المقاضي...

سحارة طماط (وأنتبه تنسى تقّلبه وتشوف علوووه وأسفله لايضحكون

عليك زي المره اللي راحت ويعطونك مفغص)

صنيديق خيار (اللي لين كسرت حبته يطلع منها مويه وتجيك الحبه زينه

ونظره كنها وحده بتروح لعرس )

خيشة بصل أحمر(شمممممه زين وقلّبه حبه حبّه ولو بغى يخيرك أختر من

اللي في الظل ولاتنسى تشممممه)

كثر كيذيا بيدجان (اليدين مبسوطتين مضموتين لبعضهما) (تأكد لايكون

مسري وفيه دود وناظر طاقيتة الخضراء أن لقيت فيها سواد تراه مخيس

لاتأخذه وأنتبه تجيب ضاك الأبيض اللي كنه أبرص)

محفّرة كوسه (ألا ياعارفينها) (وتأكد زين لاتكون مرطبه كنها تكرونيه

حاطتن لابيلو) إذا جتك حرشا فهذي الزينه خذها...

وجب معك زبيل بطاطس وأكتب قيمته بلحاله عشان أم فهد تبي نصه بس

تقول يتأكد أنه ينفع للقلي والطبخ وأن حق مزارع حايل ويقلّبه لايكون

ظاهره كبار وباطنه صغار....

علوب حباحر حق عريفجان اللي يبخر المخ لاتنسى تذوقه...

ملي طاقيتك فاصوليا جرب أكسرها لين تشوف الثمره كبيره...

ولاتنسى الخضره...

بردوق صندقان أبو صررررررررة

وملي سجّك تفيفيحات ولاتكثر موز تراه يجيب الحساسية.....

وخمس دجاجات بلدي خله يذبحهم قدامك ويعطيك القوانص والسبد في كيسه

بلحالهم عشان نمفطر عليهم الخميس الجاي...

18 بيضه عشان لك واحد من عيالك ثنتين ولي ولك على ثنتين وثنتين

بنصلح بهم كيكه...

وأنتبه تضيع الصرف صك عليه بيديتك ولاتعطي البنقالي اللي يوصلها لك

للسياره شئ (البخشيش أو التيب عادة سيئه ودخيله على مجتمعنا وللأسف

لاتجد من يستنكرها)....

(ومع حكة رأسسسسس) وش بعد وش بعد ياأم نمر!؟؟؟

شفني بأكتبها لك في ورقه وعشان ماتضيع بأرسلها لك وسايط وعن

لاينسرق الجوال بأرسلها على إيميلك بس أياني وأياك تنسى شئ ماتجي به.....

والسلام عليكم ورحمة الله وبركاته،،،