تعريف بقبائل آل نظر







بما أنا صرنا أهل وإخوان في الله فحاب أعرفكم على آل نظر كلهم



ولايوجد لدينا فروع ولاأنساب ولاأصل ولافصل رابعه باء(يوووووه



عقدتني الدراسة) لذلك شبّوا البخور وحطو الزل ونبغى الطق إسلامي الله



يعافيكم وممنوع جوال أي فون خصوصاً بعد هالبرنامج اللي يكشف



عورات النساء...







طبعاً أنا أحمممممم أحمممم (ماهوب يتنح نح ذي يحمي سيارة) شيخ النظر





أم نمر ياعساها العافية وطولة العمر شابة في الستينات من هواياتها الديرم



والحنا والمشاط وبيع حافظات المرقوق والجريش والقرصان عقدتها



مشتهين ورق عنب وإلا ملفوف...







غالية بنتي الكبيرة تسمع بحرمة البيت ونازله في أخوانها تصفيق وترقيع



ولو أحد سوى لها شئ جتني تركض تصيح ياللي ماعرفت تربي عيالك



طبيعي تمون علي لأننا أسرة عريقة ماعندنا سوالف الحضران والبدوان



يبوس على رأس أبوه وهو يسمية الشايب وأمه العجوز وإلا الوالدة لا أحنا



عندنا الرأي والرأي الآخر ويمكن رأيها صح...





جميلة بنتي الثانية هذي رغم أنها كنها لومي أسود ألا أنها الأجمل في آل



نظر سوادها غطا على سواد حمزة أدريس خصوصاً أن سوادها بلمعه



وهذي ناشبة في حلق أمها كأنها ضرة لها حتى توهم مطاقين على لبس



القميص الأحمر وإلا الأصفر وبالتالي لبست البرتقالي خلاها طلعت كنها



عسكري مرور بالصدرية الفسفورية...





نمر هذا عنده مشكلة كبيرة مع غالية أيهم الوريث في المسئولية فهو رجل



وحافظ جميع الآيات القرآنية والأحاديث اللي تدعم موقفه يكره يكب الزبالة



(حاشاكم) يقول أن أهالي الشمال يخلون المرة هي اللي تكبها أما الررجل



فعيب يكبها طموحة يصير عسكري عشان يسوي زي الأسمر ويستخدم



المسدس ويقتل به الأعدااااء...







أبو جاسم ماله شغل في أحد ولاعليه من أحد لذلك لايحب التدخل في شئون



الآخرين كنه دولة الأردن معهم معهم وعليهم عليهم يكره أحد يطلب منه



شئ وهو هيئة الأمر بالمعروف والنهي عن المنكر في البيت...





البرهي الساعد الأيمن لنمر ومنفذ للغارات الجوية حقته إذا صحى تقول



ليته يرجع ينام من أنواع التعكير المزاجي اللي يشوفه هوياته الكتابة على



جدران الأمراء والأغنياء يموت في اللعب والعناد كنه لبنان ماعنده شئ



ومسوي قضية للاشئ من كتاباته :





الفقر عالي عالي والغنى عند الوالي





نعم يعيش الفقراء ويسقط الأغنياء





الفقر واصل مكه والغني عليه التاجر يتركا









توته فراولة أحلى بنوته وكاة أنباء متحركة مدّلعه نفسها بالقوة تهوى



التخريب والتدمير والتفريق بين الآخرين لايمكن أحد يقول لها لا وبالقوة



تنتزع اللي هي تبي تهوى جمع الريالات مثل أمريكا بالضبط...







طبعاً بعد ماأصبح أبوحسين باراك حسين أوباما رئيس أمريكا آن لنا نحن



السود الفخر بمنسبنا ومرجعيتنا التاريخية في تاريخ الأنساب فالجيل القادم



من آل نظر سوف يحكم العالم لذلك حسنوا من علاقاتكم معنا...