بسم الله الرحمن الرحيم


السلام عليكم ورحمة الله وبركاته




الشهر مبارك



مشكلة نعاني منها في المنزل وهو جوال أم نمر مره في المطبخ مره في الصالة مرة ضايع ندور

عليه دايم مرمي ومن نلقاه نلاقي فيه مليون مكالمة لم يرد عليها وفي الآونه الآخيرة لوحظ

تولع توته في الرد على الجوال لعدم وجود تلفون ثابت عندنا إلى أجلاً غير مسمى...



الجواااااااال يرن (اللهم أعز الإسلام والمسلمين..........)



توته : آميييييييييين الووووه السلام عليكم...



أم سامي : الووو مرحبا...



توته : وش هو ذا أقول لك السلام وعليكم وتقولين مر وحبا طيب ليه مامشى على

طوووووووول ردي السلام وبعدين الكلام...



أم سامي : هاه وش تخربطين تقولين وعليكم السلام أولاً عيب تردين على جوال غيرك

وثانياً يالله عطيني الوالدة ؟




توته : رابعاً آخر بنطين ليه صكت بلوووووت هي؟ خامساً وبعدين ما في عندنا وحدة

والدة سادساً هذا جوالي حلالي...



أم سامي : وش ذا الحتسي الله يخليها لكم فال الله ولافالتس...




توته : وشهو ذا مول جديد فالتس وإلا وش تقولين تراك أوجعتي رأسي لا تكونين اللي

يقول عنك أبوي المفروض من تكلمين أحد تصرفين له بنادول من صجتك...



أم سامي : وشهوووووووووو واعيباه وأبوك ماعلمك إلا هالحكي البايخ...




توته : إلا علمني أشياء كثيرة بس مانيب معلمتك...


أم سامي : معلمتي وإلا مدرستي!؟ خخخخخخ أقول من أنتي وكم عمرك يا الشينة؟؟




توته : أنا شينه...!؟ شكلك قاعده قدام المراية وتحاكين نفسك وبعدين ليه أعلمك من أنا

وبعدين إذا ماتعرفيني ليه زاهمه علينا...!؟




أم سامي : تضحك وتقول .. مبين عليك خفيفة دم...





توته : ليه قايسه معامل كثافته وإلا معايرته وإلا وشلون أصلاً أنتي مثل المسرحية لازم

الواحد يضحك وإلا ذبحتيه قهر على الوقت اللي ضيعه وشافها...




أم سامي : لاحول بنيات آخر زمن ماتستحين تقولين لي كذا وأنا كبر أمك!؟




توته : أحسن يابنيات أول زمن وبعدين عادي حتى البعير أكبر من أمي ونجلده بالعصى

وأمي تقول الطول طول النخلة والعقل عقل الصخلة......




أم سامي : شكلك ماتربيتي...




توته : ولاأبي أشوفه ولابيت جيرانكم حتى لأن اللي يطلع من داره يقل مقداره...




أم سامي : خلاص نادي أمك...





توته : من هي أم ك...!؟ ورى ماتكملين وإلا كلت لسانك القطوووووووه!؟؟




أم سامي : الله يصبرني وش أكمل أم نمر موجودة...




توته : وش يصبرك شايفتني دائرة حكومية؟؟؟




أم سامي : طيب أم نمر موجودة...!؟




توته : ليه تبين أم نمر جالسه تسوين للسعودية جرد يومك تسألين موجودة؟؟؟




أم سامي : يااااااااااااااااااه " عطيني أحد كبيرررر"





توته : الله أكبر وبعدين تبين كبير بالحجم ولا بالطول ولا بالعمر...




أم سامي : عطيني برميل اتكلم معااه بس غيرك...




توته : استغفر الله العظيم تبين تتكلمين مع برميل ليه أنجنيتي؟؟؟ وبعدين ماعندنا براميل

تبينهم دقي على أرامكو يمكن يلاقون لك واحد ماأنباع من التضخم في سوق البترول...




أم سامي : (صارت بركان وثارت) أقول قول لي لأمك الشهر مبارك وكل عام وهي بخير

وقول لي لها أم سامي مزاعلتها ليوم الدين...





توته : بعد عليك دين ولاسددتي عشان كذا مقلقتني...




أم سامي : طيب بس لو اشوفيك لا أسوي منك كفته





توته : كفته مسلوقة وإلا مشويه وإلا بالفرن ههههههاه وإلا أقول لك كفته وإلا كباب؟




أم سامي : احسن لك اسكتي لاني لو مسكتك سكتك..





توته : ههههههه حلوه طيب قوليه عشر مرات كانك شاطرة...




أم سامي : وشهي!؟؟؟





توته : لو مسكتك سكتك خخخخخخخ حلوه هذي بس قوليه بسرعه وورى بعض...




أم سامي : مستانسه يعني جازت لتس...





توته : لا حرمت علي...




أم سامي : يهيهيههيه ويلييييييييييييييييييييييه وش أنا مسويه...





توته : ليه تصحين راحوا عنك أحسن عشانك بثره ماتسكتين أبد الله يلوم من لامهم على

بثارتك...




أم سامي : تصرخ باعلى صوتها.. " وين أمك الوالدة أم نمر ياجعلك....... ؟؟؟ "..


فتاخذ غالية التلفون من توته ..نعععععععععععم وش عندك تصارخين على البنت لاتكونين

تكدين عليها...




أم سامي : ليه تاكسي أكد عليها... وش هالبنت طلعت لي قرن براسي..





غالية : أجل صرتي خرووووووووف ههههههه نعم وش تبين ومن أنتي؟؟؟




أم سامي : الظاهر هالبيت الجديد مويته خففت من دمكم كثييييييييير أنا أم سامي زاهمه

أبارك لكم في الشهر...





غالية : طيب شكراً وش معنيه نفسك له كان أرسلتي رساله وريحتينا من الصجه...



أم سامي : أيههههههههه يازمن كنا نتزاور ونبارك لبعض الشهر والحين واجد حتى

الأتصال البنية تقول تكفي رسالة...




غالية : أجل وشهو بعد تدرين لو فتحنا الأسماء في جوال أمي لقينها أكثر من 300 أسم

لو كل واحده زهمنا عليها نبارك لها برمضان وبعد شهر بالعيد وكل مكالمة خمسة دقايق

يعني 3000 دقيقة نقسمها على ستين تطلع خمسين ساعة يعني يومين وساعتين وأم بس

تعيد نفس الأسطوانه فأحسن رسالة وريحينا...



أم سامي : أقول قولي لها... وإلا أقول لك يالله مع السلامه بس...




غالية : مهبل ذا الحريم يبون يخسرون أبوي وهو بيقعد يسدد هالبيت 25 سنة...



والسلام عليكم ورحمة الله وبركاته