بسم الله الرحمن الرحيم

السلام عليكم ورحمة الله وبركاته،،،

عجايب







الإشارة حمراء وتبي تقطع الشارع تلاقي كل السيارات قاعدة تجرب

سرعة مواطيره وجودة الفرامل يعني مافيه أمل تقطع...



معك خمسين ريال وتبي تشتري بريال زبادي وبريال خبز تلاقي راعي

البقالة سكر الباب وقعد يلف على المحلات عندكم صرف؟؟؟



تدخل المول يوم الرواتب وتوقف في صف من هنا إلين كوكب بلوتو

ويجيك واحد وضيع يخلي زوجته تدف العربية لين عند الكاشير عشان

تستحي كونها مرة وتخليها تمر قدامك وزجها يعني أني بأدخن برى....




واحد يدخل متصفحتك ويقعد يقرى ويقرى ويقرى ويقرى ثم يجيه النوم

ولاحتى أستحى يحط لك رد بسيط على الأقل يقول لك كمّل ترانا معك...



توقف عند باب بيتك مافيه دقيقه تركب عيالك والبيبان مشرّعه وهم

يركبوون وتلاقي واحد يضرب وراااااااك زعلاااااااان.....



سالفة هالأجانب يضحك عليك ويستغفلك ولو رفضت تعطيه قال إن شاء

الله يأخذ من يوم القيامة....



وأنا بعد فاضي قاعد أكتب وأكتب على بالي قاعد أوصف أحياء دقيقة وإلا

أزود الناس بمادة علمية وإلا وإلا وإلا...


أقول يالله مع السلامة أخذت راحة يومين مارحت لعيالي وأنتم متسدحين

في بيوتكم وأنا قاعد أكتب وأكتب وأكتب...


والسلام عليكم ورحمة الله وبركاته،،،