فصيح بانجليزي - قصيدة فكاهية !!

[محمد بن سعد]

مبارك الهاجري

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامرحبا بك عدد ماطار تمساح = او عدد ماتـنقش سنون نعامه
او عدد مايزعل على الموز تفاح = وعداد قشر في بعير وسنامه
او دب امعط لابغى يطير ماطاح = الا بجــرف بعيد ولا عــدامه
والا خروف دايم الدوم نواح = ضيع ثغاه وجاب صوت الحمامه
على عشير كن زوله لاراح = كنغر وشكله مايعرف الوسـامه
ماشافني وانا مع السوق رواح = صد وتركني بين شبه وعلامه
انا وليفي طش راسي غرامه = لولاي اكافح حبها بالبـــندول
خلي ذبحني طسمته واللثامه = والعين تشدي لابرق الريش مع جول
يقطش وليف الروح قطش الحمامه = يامحلا ريقه مع الشدق سعبول
ياناس انا هلي واحف السلامه = واموت من حب اريش العين لاحول
خلي لمع في راس خشمه زمامه = ومعلق في الحلق فضه بدلــدول
تقول قرد في روابي تهامه = يفجعك شكله لاضحك كنه الهــول
لا هوب دبه ولاهو هلامه = ماشفت مثله سيد الاحباب عصـقول
لا تسأليني ليه طبع العرب غير = لا تسأليني وين عصر الصحابه
صارت ثقافتنا مظاهر وتزوير = نرقص مثل جاكسون ونلبس ثيابه
نشري الحضارة بالذهب والدنانير = ياويلنا لاسكر الغــرب بابه
كم واحد بيبدل البنز ببعير = ويبدل الدســكو بصوت الربابه[/poem]
[line]-[/line]
جاء رد القصيد من : عابرة سبيل

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لي صاحب منه تبي تطلع الروح = خبل ومنهي مولــعه فيه خبله
عامين أوضح له مع الجد ومزوح = واقول ياعنتر تـنــاديك عبله
طال المدى ثم قلت انا اغليك يالوح = مجروحه جرح مخاطره عجله
دنق وقال انا من العام مجروح = واشر لجرح مبطي وســط رجله
ياوجدي وجد من ضيع نعوله =لاقى وحده والاخرى مالقاها
عايش معاها من ايام الطفوله = شاب راس العود نعله مانساها
يالهو بالي ياحلي الغزالي = ازاي سنيت الهــجر للمحـــبين
يادي المصيبه يوم قربك صفا لي = جنبت عن درب السنع ليه ياشين
دابؤك احـلى من حليب المتالي = طب ليه تقهرني بلا ذنب يازين
ماتفتكرش ازاي سميت حالي = وحنيت لك حنة خلوج البــعارين
ابــسط ياعم اشيل حملي لحالي = دنتا ماتستاهلش تبكي لك العين
عاوزني اترقــاك ياهملالي = صحصح دا بعدك رجــعتي يابو وجهين
مش ممكن ارقع عقب شي مضالي = أأطع دراعي لا طلبتك تراضين
منك لله بكل هما جـــرالي = بس افتكر حتروح من ربنا فــــين
دنا حـــقيلك لاتدور بدالي = اديني العنوان ماتؤلش بـعدين
المطرب اللي يهز الراس = ويفـــــجر اذاننا بصوته
الله يبلاه بالوســـواس = ويطيح له في نحر حوته
اشــــباه هذا يغث الناس = ودك بمن يرقعه شــوته
والا يصــكه بحد الفاس = وليـا صرخ ياخذ النوته
من كثر حلفه برأسي و ف عيوني = انحولت وصار بعيوني رمد
ومن كثر مااكلــــمه من تليفوني = انقطــع خطي ولا شفته ابد
يابنات الناس تكفون اسمعوني = الرجاجيل انتهوا ما ظل احــد
لا بغيت تصير شاعر = احرق اوراق المشاعر
واكذب وجامل ونافق = وزور بكل الحقائق
وكلها حفنة ورق = مايضرك .. لو تقول الليل اصفر
وعبلة كانت اخت عنتر = المهم الناس تضحك معك
او تضحك عليك ما عليك = يعني شاللي راح تخسر
منته شاعر بالاساس = ولا شغلت عيون الناس
يعني معروفة النتيجة = انت في اي حال تكبر
والله كبيره يا بو ساره = للديرة ترفض توديني
مشتاق لشوفة الحارة = اللي بها داعج العيني
والنوم منخش في داره = حاولت به مير جافيني
لكن اب اجيب سيارة = موديل تسعه وتسعيني
واصكها يمها غارة = وادوس في كل رجليني
وارمي على باب سناره = واصيدها وارجع بحيني
انا عــجوز مطلقة وأم ورعان = وايضا مــدام وآنس وعانس
انا بدوية وعايشة عند حضران = وبنت البحر وابوي زارع وغارس
أمية ماتعرف حــروف والوان = وتلميذة دشت جميع المـدارس
خلوني اعيش العابرة دون عنوان = طيف يمر بلا رقابة وحـارس[/poem]