يقلـون ولا جعلهـم مايقـولـون
نفسي خذت كل الفخـر والمهابـه
لوكان بعض الناس بالحقد يسعون
لجل اندمر واعيـش جـو الكابـه
لكن مهمـا صـار والله ليبطـون
قلبـي تعـود ياجـروح الحرابـه
ماعاد اميز بين طيـب وملعـون
كل النوايا حسـب ظنـي تشابـه
ناسٍ تبين ضن وتخبـي ضنـون
والوقت صرنا بين ضرسه ونابـه
قد قالها المشعان ياللـي توحـون
جاه السـوال ورد لـه بالاجابـه
لو كان قد شلنا مثـل مايشيلـون
يصير فالطيبـه شكـوك وغرابـه
لكن نحمـد ربنـا خالـق الكـون
ولاغير ربي شخص نرجي ثوابـه
ولا الخواطر سرها صـار مدفـون
والعـد كـلٍ يستـلـذ بشـرابـه
تمتعوا ياناس وامشوا على الهون
واسروا على صوت الغناء والربابه
ولا انا ماني من الهرج مشحـون
من بعد حل الظلم قلبـي رضابـه
درست في دنيا الشقا علم قانـون
واعرف تفاصيل الزمـان وعذابـه
والحب خلا الحال من دون في دون
وياويل قلبٍ حـب سـاره غدابـه
حده على الغربه والاجواد يـدرون
واحتل عرش القلب حتى سطابـه
كم واحدٍ خلـه بذكـراه محـزون
وكم واحـدٍ حبـه لخلـه سرابـه
ناسٍ على ليلـي وليلـه يغنـون
ويستانسون ان كان طول غيابـه
لكن نور العيـن ذايـب ومفتـون
في شاعرٍ جنـن سطـور الكتابـه
