قصة وقصيدة ......ودام البكا ياريم مافيه تحريم
بســم الله الـرحمــن الرحيــم
السلام عليكــم ورحمـة الله وبركاتــة ،،
يقال ان احد السجنا كان ماراً فى احد اسياب السجن وفى ذلك السيب كانت هناك ام واطفالها داخلين لزيارة سجينهم
فتذكر اولاده ودمعت عينه فشافته وحده من البنيات واسمها ريم وقالت لمها الرجال يبكى فزجرتها امها وامرتها بالسكوت فتهيض الشاعر وقال هذه الابيات:-
أبكي وعيني تسهر الليل يـا ريـم
................................مدري بلاها الشوق والا الظليمـه
يا ريم دمع العين مدري على الريم
..................................والا على قلبـن تواكـل صميمـه
تقول لاطمني علـى نونهـا سيـم
.................................أبكي وعندي لأزرق الدمع قيمـه
ويمكن يكون الدمع للعيـن تكريـم
................................ويمكن يكون إلها عذاب وحريمـه
والله يا لولا دمعتـن كنهـا الديـم
...............................راحت ضلوعي من عذابي حطيمه
ودام البكا يا ريم ما فيـه تحريـم
...............................يا عنك والله لأرخص الدمع شيمه
وابكي على حالي من الوجد وآهيم
.................................لين الزمن يخلـف عليّـه نسيمـه
أبكي حياتن صافيه ما بهـا غيـم
..................................وين المحبـة والقلـوب السليمـه
أبكي قهر وابكي من الغبن والضيم
.................................وابكي من طعونن بقلبـي قديمـه
غدر الزمن خلّى بوجهي مراسيـم
..................................وما يذبح الرجال مثـل الهزيمـه
بعض المصايب شرها ياكل الهيـم
..................................وشلون بكبود الرجـال الكريمـه
وبعض المصايب يخلفن المفاهيـم
.................................تبغى على ما قيل صبر وعزيمـه
مظلوم بالدنيـا وغيـري مظاليـم
...............................من عرض ناسن لبسوهم جريمـه
ما عاد أبي من سود الأيام تعليـم
.................................عقب العذاب اللي كلاني جحيمـه
ولو تصفي الدنيا علـيّ الملازيـم
..................................ما عاد أدور من وراهـا غنيمـه
ارجو ان تنال استحسانكم والمعذره عن كل نقص وتقصير ,,والسلام عليكــم ورحمـة الله وبركاتــة ،،
