شيبان،،، وكبدة مستوردة

[align=justify]شيبان ،،، وكبدة مستوردة


هذي الله يسلمكم قصة ثلاثة شيبان رايحين للهند
يبون يزرعون كبد لواحد منهم مصاب بفشل كلوي

ابو سعود
وابو دحيم
وابو عبيد


القصة تبداء في المطار
قبل ما يروحون
وكانو رايحين للمطار بغترهم وثيابهم اليابسة
ويوم قصو البوردنق

راحو يغيرون خلاقينهم <<< (الدفه وشمغ العقل)

بخلاقين اردى من الاولة ابو سعود ( متوزر بأحرام ولابس قميص كاروهات برتقالي ) << جاي كنه عسكريمه )

ابو دحيم ( بنطلون جنز احمر وقميص ازرق ) << على باله راغب علامه

ابو عبيد ( شيال ماله لون من كثر الغسيل وفنيله علاق)

طقو الزين ذا الطخمان << الله من الطخامه
واركبو الطيارة ما خلو احد في ذا الطيارة الا ووجعو راسه يسئلونهم

وشلون الهند والحريم عساهم مملوحين وعسى فيه عروس هناك
وبعد كمن ساعة في ذاالطيارة

وصلوا بحفظ الله ورعايته الى مطار دلهي الدولي
اللي كله زيت نارجين تقول انك خاشن بنشر

ويلقطون الهاند باك ( شنط الحديد ام مرايه )

طلعوا شيبان الونس من المطار على المواقف
يدورون تكسي ،،، وساعة وهم ملطوعين يحترون التكسي

على بالهم في السعوديه
بيركبون بيجو اصفر
ما درو ان تكاسيهم دبابات ابو ثلاث كفرات
وبعد ما دلوهم عيال الحلال

ركبو الشيبان في ذا الدباب
وقام ابو سعود يمزح مع الشله
ويقول لهم اتحداكم تقولون : دباب ما فرملنا به

خمس مرات بسرعة
واللي يقولها بجيب له هنديه تهمز رجليه ....

ما عرفو يقولونها ابو دحيم وابو عبيد وراحت عليهم

التهميزه قال ابو سعود لسواق التكسي
وير آر يو اقرب هتوتيل

ويناظرهم بنص عين
ويقول شفتو يا ذا الكمخ يالثيران

اشوه اني جاي معكم
قال ابو دحيم : اعقب يابو سعود منتب سهل
قال سواق التكسي : نهي نهي نهي
انا فيه طلق مدام ازا
انته ما فيه نوم عندي في بيت

قال ابو دحيم : لا يا اخوي بنروح الفندق
وكل واحد ياخذ له غريفه

وهو يطالع ابو عبيد وهو يضحك يدور الرد
ابو دحيم قال ابو سعود : خلاص يالربع ابو هنود طلق بالنوم

عنده لو يوم واحد قالو الربع : شورك وهداية الله
وروحو لبيت ابو هنود ( كومار المزلاقاني ) وجاب لهم عصير تفاح وثلج

من اللي يدوخ وتقهوو منه لين تاغرو

عاد بعد ماارتفعو الشيبان
قالو للهندي انهم جو للهند يبون كبد لبو عبيد
وقطعوا قلب الهندي لين بكا

قال كومار : انا فيه روح نوم وبكره صبح يجي يودي انته سوق مال بيع كبده وكلاوي مال انسان

حلة العبيد حقت دلهي
قالو خلاص صديقنا
قومنا بدري
عشان نروح سوا سوا
انتا عشان تعلمنا بالكبد السنعه عاد

الثلاثي الكوكباني
من كثر ما شربو من عصير التفاح الخارجي
تلحفو ,,,,, ونامو

توقض ابو سعود من النوم ودخل يده تحت مرقده
يبي يعس الدراهم اللي شايلها تحت مرقده ( قطة الشله )
حط يده ما لقا الدراهم

قام يصارخ يقول : يا ويلي ويلاه
يا ويلي ويلاه

قام ابو دحيم على صياحه
قال : وش فيك يابو سعود
قال : الدراهم سرقها ابو هنود

قال ابو دحيم : وشهو حليبه
ابو الشباب مكثر البارح

قال ابو سعود : دراهمنا سرقت
وقام يصارخ ابو دحيم
ضاعت فلوسك يابو عبيد
جاهم ابو عبيد وهو يمشي ويطيح
وش السالفه يالربع

قالو : الهندي سرق دراهمنا
قال ابو عبيد : يعني سرق كبدي

المهم ان الشيبان تمرمطو مرمطه
لا على البال ولا على الخاطر
ما خلو رصيف ما نامو عليه
ولا حديقه الا واسكنو فيها
لين ملو

قال ابو دحيم : خل ندور من ذا لشيبان اللي منثرين في الهند
يسلفنا اللي يردنا ديرتنا

قال ابو سعود: ما فيه الا حل واحد
وهو اننا نروح واحد منا
قال ابو عبيد : منهو اللي بيبيع كبده

قال ابو سعود : نحط قرعة واللي تجي عليه القرعة يبيع كبده
قالو : تــــــــــــــــــــــــــم

كتب ابو سعود ثلاث ورقات
وقال بنحط اسم كل واحد في ورقه
والصدق انه سجلها كلها بأسم ابو عبيد

والله من النذاله
نادى ابو سعود بزر وخلاه يختار وحده من الاوراق

وطلع اسم ابو عبيد
وما قصر ابو عبيد تجمل في الربع الله يرحمه
وباعو كبده وكلاويه وجميع اعضائه لمستشفى دلهي للبقر
وخذو الدراهم وعلى اول طياره للسعودية
وهم في الطياره يفكرون
وش بيقولون لأم عبيد اللي تحتريهم في المطار
وبعد كم ساعه وصلو للسعوديه
وهم نازلين من سلم الطيارة
الا ام عبيد طاقة الزين وجايه تركض
ووقفت عند سلم الطياره

نزل ابو سعود وابو دحيم من الطيارة
وهم منزلين روسهم
وقفتهم ام عبيد

وامسكت ابو سعود مع كتوفه تهزه

تقول : وين ابو عبيد
ما رد عليها

وامسكت ابو دحيم وهزت كتوفه
وقالت : وين ابو عبيد

قال ابو دحيم : ابو عبيد حطت يدها على ثمه قالت لاتكمل

قال ابو سعود : البئية في حياتك يا أم عبيد
وطاحت ام عبيد على ركبها عند الطياره تصيح

ماهيب عاقله
سهير رمزي
وعلموها كيف ضحى ابو عبيد بنفسه
عشان ذا الشيبان السمرمد يوم اسمعت القصه

قالت ام عبيد : يا حبيبي يا بو عبيد
وقالت ذا البيت .....

جعــــل كـبـــدي وكلوتــــي فـــدوة لك

وعلى القول : جت الحزينه عاوزه تفرح ملئت لهاش مطرح[/align]