سلطتين لو ذقتيهم راح توديك عالم ثاني
السلام عليكم ورحمة الله وبركاته
هذي سلطتين من اروع السلطات
السلطة الاولى
عبارة عن
خيار-طماطم-خس-فلفل اخضر بارد-جزر مبشور-ملفوف-بصل
كلها مقطعة مكعبات صغيرة
وجيبي علبة ذرة وصفيها من مويتها واغسليها وحطيها فوقها
بالنسبة للصوص
3ملاعق لبن زبادي وملعقتين طحينة سايلة وملعقتين مايونيز ونص ملعقة خردل وليمون وزيت زيتون وملح وفلفل اسود وكمون واخلطيها زين مع بعض وحطي ملعقين مع السلطة وقلبيها والباقي فوقها واخر شي بطاطس عيدان حارة اللي تجي في العلب
وسلامتكم وهذي صورتها
جنان
عبارة عن
خيار -خس-فلفل اخضرواحمر بارد-بصل اخضر-كزبرة-ملفوف
مقطعة صغار
بطاطس-باذنجان -همبرجر يادجاج يالحم
مقطعة مربعات صغار ومقليه في الزيت
اضافة الى ذرة وبليلة( حمص )مغسلة زين
اخلطيها كلها مع بعض
والصوص عبارة
الصلصة الفرنسية من فرشلي على حسب كمية السلطة عندك اذا كثير فحطيها كلها اذا وسط نصها وعلى حسب رغبتك
وملعقتين لبن زبادي وملعقة خردل وليمون وزيت زيتون وملح وكمون وفلفل اسود وشوية سماق
واخلطيها معاها
ونفس السلطة الاولى بطاطس عيدان حارة فوقها وبس
وذوقي اروع سلطة بصراحة هي تعتبر وجبة بحد ذاتها وتنفع اكثر شي في البوفيهات
وهذي صورتها
