أكبر طموحي علك وإلا حلاوه!!!

أكبر طموحي علك وإلا حلاوه

يازين يومني طفل ماعرف شي// اكبر طموحي علك والا حلاوه
العب والى مني تعبت ارقد شوي // والى صحيت اصير كلي شقاوه
ألهى مدام ان اللعابيب بيدي // واصيح لامني سمعت القطاوه
مبهذل امي بس ودي وجيبي // وابوي اصجه بالطلب والرضاوه
والى زعق بي جدي وقال ياصبي // حسيت كن بيني وبينه عداوه
وان جا يطل بوجهي وقال لي (دي) // زادت غلاته وسط قلبي غلاوه
وافرح الى لعبني (ياحدي يابدي) // وتعال شف ذاك العقل والهداوه
ويومن كبرت وصرت فاهم بكل شي // صارت حياتي مالها اية حلاوه
الهم واجد وان فرحت افرح شوي // والعمر كله صار غم وشقاوه

شرح الكلمات للي مافهموها
(ارقد = انام )( القطاوه = القطط) (دي = تقال للمداعبة) (ياحدي يابدي= يداعب الكبار بها الأطفال)

راشد السكران (شاعر المشاعر )