آلصمت له عندي معزّه ومقدار

آلصمت له عندي معزّه ومقدار

في زحمة الافواه .. يا مزين الصمت !!

لا صار بعض البوح عند البشر عار
لو يشتعل جوفي حشى ما تكلّمت

تعبت من قولة : (علامك) و وش صار ؟
وان طحت ما ألقى سوى كلمة (سلمت)

واعذار اخلقها ولو مالي اعذار
مشّيتها مره .. ومرات ما رمت !!

كذبة صباح الخير/ يا صبح الانوار
عذري ليا عدّت ليالي ولا نمت

اسهر طوال الليل وضْيوفي افكار
واقول لاْصحابي : نعم توّني قمت !!

ما عاد فيني ألفت عْيون واْنظار
يكفي بأني من زماني تعلّمت

ان الصدر بيتــ ٍ.. وسكّانه اسرار
نيّام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

آقدّم اقدامي على درب الاصرار
امشي ولكن للأسف ما تقدّمت

النار قدامي .. ومن خلفي النار !!
والعمر يمضي بي وانا ما تولّمت

الين ذاك الحلم في لحظه انهار
وانا مع لحظة سقوطه تحطّمت

جروحي كثار..وتناهيدي كثار
لكن على كثر المواجع .. تبسّمت !!

ثم أْلتزمت الصمت وعزومي اكبار
ولو يشتعل جوفي حشى ما تكلّمت
منقووووووووول
مما راق لي

,,
مع أطيب تمنياتيhttp://www.doraksa.com/vb/images/icons/icon7.gif

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب الغالى سلمان ..... سلمه الله

لاغاب خلّك والرجاء فيه مقـــطوع
...........................لابه رسايل تاصلك ولااتصـــــــالات

انتقاء اكثر من رائع بارك الله فيك وعطنا مما عندك ولا تصير بخيل ....والسلام عليكم ورحمة الله وبركاته ,,

بسم الله الرحمن الرحيم
وعليكم السلام ورحمة الله وبركاته
كلام في منتهى الروووعه

سلمت يمناك

تقبلي مروري