قصيدة ... بالحب أنا يا غاية النفس مظلوم
بسم الله الرحمن الرحيم
السلام عليكم ورحمة الله وبركاته
حياكم الله اخوانى واخواتى الله يسلمكم جميعاً
اليوم ياالربع عندنا لكم قصيدة عن الحب والمحبين والحاسد والعاذل والى مايدرى عن الحب الله يكفينا شره ,,الحين نشوف القصيدة ويش تقول ؟القصيدة تقول سلمكم الله :-
ليتك تعيش بواقع الحب لو يـوم
............................ والا تشوف لوضعنـا ذا نهايـه
بالحب أنا يا غاية النفس مظلوم
...........................محتاج يا لغالي لعطف ورعايـه
لي السهر ولعاذلي لـذة النـوم
...........................من شان حبك ما سهرنا هوايـه
ما صابني من نظرة العين مقسوم
..............................أسيـر حبـك لا تحطـم رجايـه
ما كل عين تجرح القلب بسهـوم
.........................و ما كل من يرمي يجيد الرمايـه
أنشهد إني منك يا زين محـروم
..........................معك ابتديت وفي هواك النهايـه
فات الأوان و لا تزيدون باللـوم
............................الصبر بيدي يوم قلبـي معايـه
بالاسم والمعنى و ما قلت مفهوم
.......................يا شمس عمري يا بدر في سمايه
ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,
