قصائد بمناسبة يوم الوطن ..
مجرد حب للوطن , من الفطرة زرع هذا الحب , ومن الحب للوطن نعطيه من وقتنا فوقتنا لا يستحقه الا من نحبه ! وفي هذا الموضوع اقدم لكم قصائد بمناسبة هذا اليوم وهذه الذكرى على توحيد هذا البلد , أبدأها بكلمات من أغنية الفنان رابح صقر :
http://sst5.com/images/4105.png
عمار يا دارنا يا قبلة المسلمين
مهبط كتاب الوحي على الرسول الأمين
فوق الثريا ثرى .. مكتوبة في الجبين
يا أرض نور وذهب .. يا أرض دنيا ودين
سولف عن أغلى بلد خل السوالف تزين
عن أرضنا نبضنا عن شوقنا والحنين
حنا لها هي لنا معشوقة وعاشقين
اما بعد يا بلد عن الشكر عاجزين
لله درك بلد خيرك على العالمين
ورجالك الأوفياء في واجبك حاضرين
يستاهلون النعم حكامك العادلين
يادار نستاهلك يادار تستاهلين
http://lalkhtabi.kau.edu.sa/Images/0...9%8A%D8%A9.jpg
وهذه من القصائد المميزة والمخصصة لهذا الوطن الكبير :
ياديرتي دامت الأفراح = ومن والي الأقدار مصيونه
لأجل الوطن ترخص الأرواح = ويوم الوطن لاتناسونه
يوم أبو تركي بكفه لاح = وأهل المواجيب يتلونه
فكر بتوحيدها ما أرتاح = ألين شمله يلمونه
حر تعلى بلا ملواح = صقر الجزيرة تعرفونه
نامت هنيه وخوفه راح = و أخوان نورة يراعونه
والباب ماحط له مفتاح = من عقب ماهم يصكونه
عاشت رغد بالها مرتاح = كنه عروس يزفونه
حكامها مسكها الفواح = وأرقاب الأبطال من دونه
يارب تغفر لميت راح = واللي حكم تسلم عيونه
مليكنا نورنا الوضاح = و ولي عهده معه عونه
والكل في حكمهم مرتاح = واللي حسد خابت ظنونه
ويخسى العدو كلبه النباح = و درب المراجل قصر دونه
وماغير يلهث و حيله طاح = ومن الهلع تسهر عيونه
ونرجيك يافالق الأصباح = ومليكنا دوم كن عونه
