عماش المطيري - قصيده تكفى
السلام عليكم ورحمة الله وبركاته
هذا البيت من قصيدة الشاعر ( عماش بن عبيد البديري المطيري ) من سكان هجرة العمار بالقصيم .
وهذه قصيدته المتضمنه ذلك البيت كاملة عندما مرت به ضائقه ماليه اثرت عليه .فقالها مسندها لـ مزيد بن سعد المطيري
تكفى ترا تكفـى تهـز الرجاجيـل -----لولا ظروف الوقت ما قلت تكفـى
تكفى يا مزيد ما يبا العلـم تفصيـل----- المشكله كبرت على عماش تكفـى
ما قلت تكفى غير من فترة الحيـل-----وانته ولد من يفعل الطيـب تكفـى
انخاك من كثـر العنـا والبهاذيـل------ الفقر حطمني .. وانا ازريت تكفـى
غديت مثل اللي برك ضامه الشيـل------تضحك بي ضعوف الرجاجيل تكفى
يومٍ لك وقفه .. وجاه .. ومداخيـل------ما نغتني عن مثل شـرواك تكفـى
افزع ترا وقتي غـدى كنـه الليـل------والعلم مـا يخفـاك يالقـرم تكفـى
ما عاد بي شده ولا عاد بـي حيـل------ضدتني الايـام ... والقـلّ تكفـى
اروح وارجع ما حصلي محاصيـل------والرجل بادت .. يا فتى الجود تكفى
واليوم عندك يا رفيـق المشاكيـل------ العذر ما ينفـع وانـا قـول تكفـى
حيثك من اهل الطيب واهل المفاعيل------يا زبن من جاله ومن قـال تكفـى
الجيب فاضي .. واليالـي مقابيـل------عجزت اعيش مع الرجاجيل تكفـى
والراتب المحدود .. يروح تحويـل------من الاداره .. لاهل الديـن تكفـى
حتى عيالي ما قدرت الهـم الكيـل------الازمه لا جات .. صديت تكفـى
ارجى الفرج والله يجيب التساهيـل------واعيش في راحه مع الناس تكفـى
والله كريم .. يبـدل الحـال تبديـل------وما قلّ دلّ .. وصامل الهرج تكفى
