قصيدة فهد مساعد صوت حبيبي وقبل اقول ياعونـك

قصيدة فهد مساعد صوت حبيبي وقبل اقول ياعونـك




صـوت حبيـبـي وقـبـل اقــول ياعـونـك

شكى جروحة وقمت اشكي له جروحي

يقـول ماقـدر اعيـش الـيـوم مــن دونــك

واقـول حتـى ولـو ماعشـت مـن دونــي

يمكـن انـا اكـون اعـز الـنـاس فـعيـونـك

بــس انــت والله كــل الـنــاس فـعـيـونـي

لاصــرت ربـعـي وداري فـيـة جفـونـك

وش دخـل النـاس خـل النـاس يجفـونـي

يكفينـي ان انـت لامـن قلـت وش لونـك

تطـيـب كــل الـجـروح ويختـلـف لـونـي

وان كنت منـت بمصدقنـي علـى هونـك

تـعـال طـالـع دروبــك ويـــن ودروبـــي

اصبحـت اجامـل عـداي الـلـي يحبـونـك

واكــره مشـاهـد عــداك الـلـي يحـبـونـي

ومن كثر ما احب واكره عنك واصونك

اصبحت دفتر مشاعر وانت مضمونـي

ان غبـت عنـي شـعـرت بـلـذة طعـونـك

وان شفت زولك شعرت بقيمـة عيونـي