قصيدة ...الاجواد ما تنـوي بـك البـوق والـردى
بســم الله الـرحمــن الرحيــم
السلام عليكــم ورحمـة الله وبركاتــه،،
حياكم الله اخوتى واخواتى ..سلمكم الله جميعاً
اليوم الله يسلمكم جميعاً عندنا لكم قصيدة للأمير الشاعر محمد السديرى رحمه الله وادخله فسيح جناته وهي باختصـــار توصيـــف عن الاجــواد والانــــذال من الرجــــال والأبيات من قصيدة طويلة بعنوان الملحمة الزايدية..والأبيات المختارة تقول:-
الاجـواد آيـات الـنـدى فــي وجيهـهـا
..............................والانــذال شــرى مــا يـــذاق جـنــاه
الاجواد ما تنـوي بـك البـوق والـردى
.............................والانـــذال عـيــب مـــا يـعــد غــيــاه
الاجـواد فعـل الخيـر لــذة نفوسـهـم
..............................والانـــذال مـلــزوم يـشــاف خــنــاه
الاجــواد جـنــات تـعـاقـب أنـهـورهـا
...........................والانـذال صلـدا مــن صـخـور صـفـاه
الاجــواد تـاصـف لــك طـريـق يـدلـك
...........................والانــذال لعـسـرات الــدروب إقـــداه
الاجـواد مثـل الــورد عـطـر روايـحـه
.............................والانـــذال زقــــومٍ يـطـيــر ســفــاه
الاجــواد فيـهـم بــاب يـسـر ومـعـزه
............................والانــذال عـسـرٍ مــا علـيـه شـفــاه
الاجــواد زلـــة جـارهــم يدمحـونـهـا
..........................والانـــذال تـجــزا الاقـربـيــن جــنــاه
الاجــواد مـثـل النـهـر حـلـو شـرابـه
...........................والانــــذال صــبــاخٍ مـــــلاح مـــــاه
الاجـواد تبـذل فضلـهـا دون عرضـهـا
..........................والانــذال دنسـيـن الـعـروض عـــراه
الاجـواد مثـل الريـف سعـد سعـوده
...........................والانــذال قـحــط الزمـهـريـر شـتــاه
الاجواد تامـن شرهـم وانـت عندهـم
............................والانــــذال شــــر مـايـطـيـب بــــلاه
الاجـواد مثـل الصبـح تمشـي بنـوره
...............................والانـــذال لـيــلٍ مـظـلـمٍ مـمـســاه
الاجـــواد حـبــات الـنــدى يبـذرونـهـا
..........................والانـــذال تـبــذر بـالـرخـيـص ريــــاه
الاجـواد فعـول الخـيـر مــا يجحدونـهـا
.............................والانـــذال حـــزم مايـطـيـب حــفــاه
الاجـــواد ماتـلـحـق عـزيــز مــذمــه
............................والانـــذال تـنـطــق بـالـصـديـق زراه
الاجواد عـز الجـار والضيـف سلمهـم
.............................والانـــذال بـعـيــون الـعـزيــز قــــذاه
ارجو ان تنال استحسانكم ورضاكم والمعذرة عن كل نقص وتقصير ..والسلام عليكــم ورحمـة الله وبركاتــه،،
