صالح ال مانعه - ياليل مادامك ضويت وجيت فارحـب لاضويـت

صالح ال مانعه

[poem=font=",6,darkred,bold,normal" bkcolor="transparent" bkimage="http://www.doraksa.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
ياليل مادامك ضويت وجيت فارحـب لاضويـت= غير الهموم اللي معك ياليـل ويـش ابغابهـا

قد لي ثلاث امرار وانـا كـل ماشفتـك لفيـت=سلمت نفسـي للهمـوم جبـاريٍ وارضابهـا

ادري كذا طبعك مـع العالـم لكنـك مادريـت=انك نسيت البعـض منهـم ماطرقـت ابوابهـا

انا لونّـي مثـل ابـن هـذال ولا بـن نحيـت=كان البيوت الغامضـه عرفـت كيـف ابدابهـا

لاكن بوضح ذا القصيده كل شطـر وكـل بيـت=حتـى يفسرهـا الفطيـن منيـن ماغنابـهـا

وردت لي عدٍ وانا ضميان وابغـى لـي مبيـت=وحصلت ناسٍ تشرب ونـاسٍ ملـت مشرابهـا

فاخذت منه مايبـل الريـق لاكـن مارتويـت=عدتنـي مـن العـد قـومٍ وقفـت بحرابـهـا

فكضمت من مابي على راس البهام ولا حكيـت=لأن اليـال السـود قدمـي كشـرت بنيابهـا

الله اكبر يازمـان الغـدر والحـض المميـت=عـز الله انكـم فزعـةٍ فالضيـق مايغزابهـا

خلقت في الدنيا على احسن حال لاكن ماوعيت=الا وانـا بيـن الأسـود الجائعـه وذيابـهـا

والله اكبر يارفيـق الأمـس ماضنـك نسيـت=حتى تجاهلت الجمايل فيـك وانـت ادرابهـا

عزالله اني خاب ظنـي فيـك وانـي ماهقيـت=ان المصايب ياقليـل العـرف انـت اسبابهـا

عديتني والعد جمه وانـت ماعمـرك ضميـت=حتى تعرف ان الضمـى لانـاش كبـدٍ ذابهـا

لاكن بقول الله يجـزاك بخيـر كفيـت ووفيـت=ولابد مـفتن سـود اليـال تنوشـك بمخلابهـا

ياعد ليه الناس رويت منـك وانـا مارويـت=ولا على قول المثل لاول غبـش واقفابهـا

انا بعد عندي مثـل يقنعـك دامـك ماكتفيـت=ترا المثل قد قال اهل مكه تعرف اشعابهـا

وانا ضويت وجيت وأدر اني ليا منـي ضويـت=يعني ضويت اما بها ولا بقطـع الرقابهـا

ياليل قصت حزن عنوّنها ليـا منـك سريـت=من بين قوسين اكتب اصحابٍ تغدر اصحابها [/poem]

ارجو ان تروقكم

واشكركم لو زينتوا اخراج القصيدة