الجزائر تطيح بمصر وتتأهل إلى كأس العالم

[المنتقد]

بسم الله الرحمن الرحيم
السلام عليكم ورحمة الله وبركاته ,,

الجزائر تطيح بمصر وتتأهل إلى كأس العالم

الخرطوم - أ. ف. ب:

بلغت الجزائر نهائيات كأس العالم لكرة القدم في جنوب أفريقيا للمرة الثالثة في تاريخها بفوزها على مصر 1-صفر في المباراة الحاسمة بينهما اليوم الأربعاء على ملعب أم درمان في الخرطوم.


هدف المباراة الوحيد سجله عنتر يحي في الدقيقة 40. وهي المرة الثالثة التي تبلغ فيها الجزائر النهائيات بعد عامي 1982 في اسبانيا و1986 في المكسيك، في حين فشلت مصر في ذلك بعد مشاركتين عامي 1934 و1990 كلتاهما في ايطاليا.


وبات المنتخب الجزائري ممثل العرب الوحيد في النهائيات بعد فشل عرب آسيا في بلوغ النهائيات وكان أخرهم المنتخب البحريني بخسارته الملحق الآسيوي-الاوقياني أمام نيوزيلندا، وتونس التي سقطت في الجولة الأخيرة من التصفيات الأفريقية أمام موزامبيق.

[سلمان السلمي]

أصابهم الغرور

[!!مذهلة!!]

والله انا حزينة علي الي جري اليوم
اقسم بالله انه ما زعلني فوزهم لان هذه رياضه فيها غالب و فيها مغلووب
ولكل مجتهد نصيب
ولكن الي زعلني و ابكاني ما حدث بعد المباره
ماذا حدث للعرب
لا حول ولا قوه الا بالله
انقلب الموضوع بدل ما يكون فرح بالفوز الي معركة دمويه كبيره
الشعب المصري الاعزل امام كم كبير من الشعب الجزائري المسلح بالسلاح الابيض
رجل فن ..ورجل سياسيه..وكبار الدوله ذاهبين للمشاهده و بالنهايه نسمع الصراخ و الاستغاثه في التليفونات من الاعتداءات الجزائريه

لماذا؟؟؟؟

ده هم الفائزين؟ طيب ليه

بصراحه انا حزينه

[المنتقد]

أصابهم الغرور

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب سلمان ...سلمه الله

الغرور يالغالى ماينفع والكورة مافيها كبير تخدمها تخدمك تهملها وتنغر عليها تهملك ...سرنى وشرفنى مرورك بارك الله فيك ...والسلام عليكم ورحمة الله وبركاته ,,

[طبيبة مسلمة]

"]
اولا : مبروك النصر لاخواننا فى الجزائر

ولكنى احببت ان انقل تلك الرسالة لكم من شعب مصر


اسمحوا لى أن انقل لكم مشاعر المصريين بصفتى واحدة منهم

وأعتذر ان تلك ستكون المشاركة الاولى لى فى ذلك المنتدى بعيدة عن مجاملات المنتديات والكلام المرتب






سيدى الفاضل .....

نحن لسنا فى حالة حزن لأن الكرة دخلت فى الشباك بين القائمين واحتسبت هدفا !

نحن لسنا فى حالة حزن لان الجزائر ذهبت الى كأس العالم ونحن لا !!!

نحن موجوعون !!

اهل مصر كلهم يتألمون...

بجد بجد بنتألم

واسمحوالى ان تكون مشاركتى بالعامية المصرية فهى لغتنا فى التعبير الصادق عن ألمنا ....



احنا موجوعين مش عشان احرزت الجزائر هدفا فى مرمى مصر وذهبت وحدها الى المونديال

احنا موجوعين عشان وجدنا الموضوع دخل فى الجد ولم يعد مباراة كرة قدم ..لم تعد لعبة !!!

احنا موجوعين عشان اتضربنا فى السودان من اخواتنا !!

احنا موجوعين عشان فى بنات مصريات اتصلت تستغيث من ان الشباب الجزائرى المسلم محاوطهم فى الخرطوم ولجأوا للاحتماء بالاسر السودانية !


موجوعين عشان سعر السكبنة فى السودان تضاعف بعد نزول الجزائريين للبلاد !

موجوعين عشان مشجعين الجزائر وصلوا فى طيارات الطيران الحربى !!

موجوعين عشان شبابنا اللى عنده 18 سنة صحى فى يوم الصبح لقى كل الدنيا بتقول العرب بيكرهوا مصر !! وهو ميعرفش ليه ؟!!!

موجوعين عشان الناس بتقول البادى اظلم !!

حتى بفرض ان حادثة اتوبيس الفريق الجزائرى صحيحة وفعلا فى شوية شباب قذفوا المنتخب بالحجارة !
محدش مننا قالهم برافو عليكم .. احسنتم !!

وموجوعين ان لما الهمج والغجر اعتدوا على المصريين فى السودان محدش قال ده حادث فردى ونشجبه ولا حتى ندينه !!

لو الاتوبيس اتقذف بالحجارة ده شىء مؤسف لكننا مش موافقين عليه ولا نؤيده

احنا اذا كان اللى عمل كده من عندنا شوية عيال اتنوا اللى عملوا كده من عندكو كثير وبتأييد شعبى !

وجعنا اوى ان محدش قال ان دول قلة وشرذمة من اهل الجزائر !! زى ماحنا قلنا على المعتدين على الاتوبيس انهم لا يمثلونا وانهم قلة وشوية عيال !

اللى وجعنا انكو مقلتوش دول مش مننا ومش موافقين على اللى عملوه ؟؟؟!!!
محدش استنكر ولا حتى شجب كعادة العرب !!!!

موجوعين انكو قلتوا اننا قتلنا سبعة مشجعين جزائرببن على الرغم ان محدش مات !!

ممكن حد يقف لحظة ويفكر الصحيفة دى المفروض جزاءها يكون ايه ؟؟؟؟

صحيفة كاذبة تنشر صور لقتلى مزيفين لاشعال نار الفتنة !!!!

ايه مصلحتها ؟؟ ومين هيحاسبها ؟؟


(الفتنة نائمه لعن الله من ايقظها ..))

محدش مات......... محدش مات من الجزائريين فى مصر .


وجعنى اوى ان كل اهل مصر بيقولوا الحمد لله اننا اتغلبنا لاننا لو كنا كسبنا كنا هنرجع فى توابيت

وجعتنى اوى انكو فى نشوة الانتصار وسكرة الفوز تجاهلتوا مشاعر اخواتكو اللى تغيرت من ناحيتكو

وجعتنا اوى اننا بنتعاير بفيفى عبده !!! الفاجرة الراقصة !!!

ماذنبتا فيما اقترفته !!!
ليه مش قادرين تفهموا ان الممثبين والمشاهير دول طبقة ومصر كلها طبقة تانية
ليه بتحكموا علينا من افلامنا ؟!!!!
ليه متخيلين ان كل نساءنا ليلى علوى وكل رجالنا عادل امام وكل بناتنا روبى ؟!!!!!

مصر زى ماهى بلد فيفة عبده هى كمان بلد البنت المنتقية اللى سنها لم يتجاوز الثانية عشر التى وقفت امام شيخ الازهر
على الاقل البنت من طبقة الشعب انما فيفى عبده مش مننا !


عمرنا ماعايرنا اللبنانين بهيفاء وهبى !!
وعمرنا ماعيرنا السعودية بعارضة الازياء التى لاتعرف كيف تستر جسدها .!

ليه بتعايرونا بسياسة حكومتنا واحنا عمرنا ماعايرناكم بها

مش اهل مصر هم اللى قفلوا المعابر ايام حصار غزة ..احنا صرخنا وشعبنا كان بيغلى وقلنا افتحوا المعابر

ماعيرناش شعوب بسياسات حكومتها لانه لاذنب لها فيها .

وماعايرناش نساء تونس العفيفات بان حكومتهم تعادى الاسلام وتمنع الحجاب !

ولم نعاير بلاد الحرمين ان وزير خارجيتهم قال لا يمكننى منع البترول عن امريكا فالبترول مؤثر فى اقتصاد السعودية !!

فنحن نعلم انه ليس هذا راى الشعوب !! ولا صوتها !

وجعنا كلمة (( يااكلى الفول !))


ومنذ متى كان تقسيم رزق الله لارزاق عباده فى الارض محط سخرية ؟؟
وان كان الطعام معيرة لكان اوجب ان نعاير الصومال والنيجر ونقول لهم (( ياللى مش لاقيين تاكلوا !!)))


وجعنا ان تعليقات الجرائد واليوتوب كلها منصبة على فكرة اننا غير متقبلين للهزيمة !!

وجعنا ان المصريين فى الجزائر اتهددوا ومصالح المصريين اتكسرت واتخربت واهالينا واخواتنا رجعوا من الجزائر بعد تلقى تهديدات بالاعتداء عليهم وعلى اهاليهم ونساءهم !!! وشعب الجزائر صامت او مشغول بالاحتفال بالنصر الساحق وفتح عكا !


ووجعنا ان لاعبتنا وجهازنا الفنى اكلوا وجبة مسممة على ارض الجزائر فى الفندق !!! هل ذلك هو اكرام الضيف ؟؟

كم مسؤل وشخص مرت عليه هذه الوجية قبل ان تسمم شبابنا ؟!!!!
ومع ذلك لم نقل ان كل الجزائريين يريدون لنا الموت


احنا كنا فى استاد القاهرة 80 الف مشجع ومشجعى الجزائر كانوا الفين فقط !

ومع ذلك لم يمسهم احد بسوء بالعكس......
تطاولت بعض بناتهم بحركات حتى الان لااعرف معناها الا اننى اعرف انها حركات عيب !
(وبالطبع لا مساس ببنات الجزائر المحترمات نحن نتحدث عن حادثة فردية ))

ومحدش مننا قال كل بنات الجزائر على نفس الشاكلة !!



اكثر حاجة وجعتنا انكو مش فاهمين مين اللى له مصلحة فى الفتنة !!!

ممكن حد فيكم يسال نفسه ليه السفارة الجزائرية بعتت استفسار رسمى عن عدد القتلى الجزائريين فى مصر على الرغم من انه لااايوجد قتلى من الاساس !!!! وهم يعلمون ذلك جيدا !!!!


حد ممكن يجاوبنى ليه الصحيفة الكاذبة ماتحاسبتش ؟!!! على صور القتلى المزيفة ؟!!!

عارفين ليه ؟؟؟

عشان حكومتنا وحكومتكم اللى عمرنا ماكنا ملتفين حولها اخيرا كسبت ودنا وصداقتنا !!

الجزائرين الذين لم يكونوا يوما راضيين عن حكومتهم اصبحوا الان ملتفين حول قيادتهم واختزلوا كل معانى الوطنية فى كرة القدم !!

ونحن ايضا التففنا حول حكومتنا لتأخذ لنا حقنا المسلوب وحق اولادنا اللى فى الجزائر !!!



اذا كان على الفوز فى المبارة .............. فمبروك عليكم الذهاب لجنوب افريقيا

لا مصر ولا الجزائر ستأخذ كاس العالم !!! _ الا ان يشاء الله _

واقصى امالنا كان هيكون الخروج من دور 16

وارجو انكوا تفهموا فعلا ماهى المؤامرة ومن يقف خلفها ومن المستفيد !!!؟!



وعذرا بلاد الحرمين فنحن مشغولون عنك بلعب الكرة
وعذرا ياقدسنا فكأس العالم ينادينا .


![/size]
[[/CENTER][/SIZE]

[!!مذهلة!!]

لا حول ولا قوه الا بالله

لا حول ولا قوه الا بالله

لا حول ولا قوه الا بالله

مش عارفه ارد اقول ايه

البلد يا جماعه عليها سحابه حزن غريبه
عمري ما شفتك يا مصر كده
الكل في الشارع عليه مسحه حزن و انكسار غربيه ..غريبه

شوفوي يا طبيبه الفيديو ده
ده نقلا عن اكبر صحيفة عندهم
http://www.youtube.com/watch?v=4ymcRILLkrs



وده فيديو اخر دليل علي كذب و افتراء اللاعبين علينا

http://www.youtube.com/watch?v=GEsoPsBlN58

الفيديو طبعا موضح ان مفيش حد رمي عليهم حجاره كما ادعوا وانهم هما الي كسروا الزجاج بنفسهم و في النهايه يهللون اننا استقبلنهم بالحجاره وحطمنا عليهم زجاج الباص
مادري ليه العدوانيه في التعامل ؟؟

وشوفي الخبر ده

http://www.youm7.com/News.asp?NewsID=158339




تدرين دخلت منتدي جزائري لقيت واحد بسالهم ليه
هي فقط في وسط الصفحه

ليه؟؟

تعرفي ردهم كان ايه

علشان انتم انصار اليهود تستاهلون الي يجري لكم

حد عنده تعليق علي الكلام ده


مقاييس الرجوله اختلفت يا جماعه ..

الراجل دلوقتي في نظرهم الي يجري وراء نساء بلاش رجال

يجري وراء نساء عزل في الشارع لضربهم

البنت الي اسمها مروه ابو الفتوح . رايحه تشجع مصر وهي سعيده ولا في بالها شيء

رجعت بلدها بدون عيون لان عيونها طارت بضربه سكين من واحد منهم

يعني لو اختك او امك ترضاها لها

اظن ان ما فيه جزائريين في منتدانا بس كان ودي يكون فيه علشان يرد علي

ليه كده؟؟ عملتوا فينا كده ليه وانتم الفائزين

عملتوا فينا كده ليه ومفيش حد مات عندكم كما تزعمون وانتم تعرفون ذلك و لكن تكتمون

حسبنا الله ونعم الوكيل

[المنتقد]

بسم الله الرحمن الرحيم
السلام عليكم ورحمة الله وبركاته
حياك الله اختى الغالية طبيبة مسلمة .....سلمها الله


نحن لسنا فى حالة حزن لان الجزائر ذهبت الى كأس العالم ونحن لا !!!

بارك الله فيك ,هذه الروح الرياضية ومعلوم للجميع ان الكرة فوز وخسارة وهذا لايفسد بيننا للود قضية...


احنا موجوعين عشان اتضربنا فى السودان من اخواتنا !!

هذا لايجوز والجميع يمقت ذلك والرياضة خلق واخلاق والفة وتعارف ومحبة بين شباب العالم العربى والأسلامي واذا خرجت عن هذا الأطار فمن المفترض ايقافها.واذا حدث مثل ذلك من شاذ اوجاهل فيجب ان يؤخذ على يده حتى يكون عبرة لغيره ...اصلح الله شباب المسلمين


وجعنا اوى ان محدش قال ان دول قلة وشرذمة من اهل الجزائر !! زى ماحنا قلنا على المعتدين على الاتوبيس انهم لا يمثلونا وانهم قلة وشوية عيال !

كل هذا الشغب لايجوز ولا يجب من ابناء الأمة الأسلامية ,فالرياضة لتوثيق الروابط بين ابنائنا وليست لزرع الفرقة بين ابناء الأمة..


اللى وجعنا انكو مقلتوش دول مش مننا ومش موافقين على اللى عملوه ؟؟؟!!!

نحن بارك الله فيك وجعنا وتألمنا لماحدث بين اخوة اشقاء تجمعهم روابط الدين واللغة واواصر المحبة ..


وجعتنا اوى اننا بنتعاير بفيفى عبده !!! الفاجرة الراقصة !!!

ومن تكون ؟؟؟فى ارض الكنانة ,,, مصر العلم والمعرفة ,,مصر الحضارة,,مصر الرجولة والفداء ,الدول تقاس بحضاراتها وانجازاتها وعلمها ورجالها وليس بشواذها .. بارك الله فيك...ولى عودة انشأالله ...والسلام عليكم ورحمة الله وبركاته ,,