جراح
November 25th, 2008, 23:46
السلام عليكم ورحمة الله وبركاته
شاب يحكي معاناته بسبب طلب يد بنت عمه الغني
سبحان من يرزق بتوع الملاييـن
الرازق اللي ما يخيب الرجـا بـه
لي عم عنده معـرضٍ للصواليـن
أموت واعرف بس من ويـن جابـه
وإذا سألته قـال بعـت الدكاكيـن
ما يدري إني ما هضمت الإجابـه
الشاهد إني رحت له قبـل يوميـن
في قصره العامـر ودقيـت بابـه
قال ارحب ارحب عدّ ورد البساتين
يا مرحبا باللـي لفـا يـا هــــلابـه
قلت البقا عـدّ النفـل والرياحيـن
يا شيخ شمل اهل الكرم والذرابـه
قال اسلم الله يحفظك لي من العين
وآمر أوامـــر حضرتـك مستــــجابـه
قلت الصراحة طالبٍ قرب غاليـن
ودي تـزوجــنـي كريــمتـك يـابـــــه
ثنّى وقال اهليـن والله وسهليـن
والكــون ترخــص لجل عيــنك رقـابـه
لكن ترا عندي شـروط وقوانيـن
قلت اشرط اشرط يا حبيب الغـلابـه
قال أولاً مهر العروسـة ثمانيـن
غير الرســـوم وغير حق العصـــابـه
والثانية عمك يبي منـك سبعيـن
رســم الأبـوّة والنـــسـب والقرابـه
وام العروسة حقها منـك ستيـن
عشــانها ست الحسـن والمــهابـه
واخوانها كلن يبي منـك خمسيـن
عداً ونـــقـداً تنـدرج فـي حســابـه
وخواتها الخمس اعطهن من ثلاثين
عشــان تتـــوثـق عـروق النسـابـه
وتجيب طقم عيار واحد وعشريـن
وخاتم من الماس المصـــفى ترابـه
وأكياس متروسة كعوب وفساتيـن
ألوانهـا وأشـــكالها مـا تــــشابــــه
وموتر بسواقـه وفيـلا بدوريـن
أثاثــهـا مـن بطــرتـه ينـــحكـــابـه
واحجز لنا قاعة بقصر السلاطيـن
واحـجـز بهـا رقـاصتــيـن وربـابـــــه
وامنع دخول اهل اللحى والبزارين
واعــزم أمـيـر المنطقـة بالنــيابـه
هذي الشروط اللي على بالي الحين
وذكرني اللي ما حسبـنـا حسابـه
قلت اذكر الله يا عـدو المساكيـن
واســتغفـره لا يبتــلـيـك بعـــذابـه
الظاهر إنك منت عارف أنا ميـن
أنا لو أرقــا فـوق مـتـن الـسحابـه
ما جبت حتى نص درزن مواعيـن
واضحك بكيــفك واعتبـرهـا دعابـه
شروطكم هذي شـروط المجانيـن
شروطــكم شـغـل ابــتـزاز ونـهابـه
شروطكم تقصم ظهـور البعاريـن
شروطـكـم هـــمّـن وغــــم وكآبـه
شروطكم والله سيوف وسكاكيـن
تذبح بنات المجــتمع مـع شـبابـه
وين الرضا والعطف واليسر واللين
اللي ذكرهـا الله بمــحكـم كتابـه
وين الصفات اللي أمرنا بها الديـن
وين اختفى نهج النبي والصحـابـه
يا عم جعل اللي خلقنا من الطيـن
يرد عقــلك مـن خــطـاه لصــوابـه
ويجعل نصيبي عند غيرك قل آمين
ويحـسن عزا الصابــر ويجزل ثوابه
قال انت لو فكرت تفكير صاحيـن
ما شفت في مجمل شروطي غرابه
حنا بعصـر العــــولمـة والمزايـيـن
ما هوب عصر الفلسـفة والخطــابـه
الناس تسعى للرتـب والنياشيـن
وأنت اهتــمامك بالشـعـر والكـــتابـه
والشعر ما ينفــعك لو هو دواويـن
ما دام جيــبك مـــثـل بيـت الخــرابـه
يا بوك لا تسمع كلام المصاخيـن
واســأل مجرب عاش في وسـط غابه
قلت الله اكبر يا محـرر فلسطيـن
من يسـمعك يحســبك ذيــب الذيـابـه
تراك شايب راس مالـك رياليـن
والبنـــت ما تســــوى جنـاح الذبــابـه
قال انقلع مالت على وجهك الشين
لا عاد اشــــــوفـك عنـدنـا يالــزلابـه
قلت ابشر ابشر لكن الباب من وين
واقـفـيـت من عنده على صوت بابــه
شاب يحكي معاناته بسبب طلب يد بنت عمه الغني
سبحان من يرزق بتوع الملاييـن
الرازق اللي ما يخيب الرجـا بـه
لي عم عنده معـرضٍ للصواليـن
أموت واعرف بس من ويـن جابـه
وإذا سألته قـال بعـت الدكاكيـن
ما يدري إني ما هضمت الإجابـه
الشاهد إني رحت له قبـل يوميـن
في قصره العامـر ودقيـت بابـه
قال ارحب ارحب عدّ ورد البساتين
يا مرحبا باللـي لفـا يـا هــــلابـه
قلت البقا عـدّ النفـل والرياحيـن
يا شيخ شمل اهل الكرم والذرابـه
قال اسلم الله يحفظك لي من العين
وآمر أوامـــر حضرتـك مستــــجابـه
قلت الصراحة طالبٍ قرب غاليـن
ودي تـزوجــنـي كريــمتـك يـابـــــه
ثنّى وقال اهليـن والله وسهليـن
والكــون ترخــص لجل عيــنك رقـابـه
لكن ترا عندي شـروط وقوانيـن
قلت اشرط اشرط يا حبيب الغـلابـه
قال أولاً مهر العروسـة ثمانيـن
غير الرســـوم وغير حق العصـــابـه
والثانية عمك يبي منـك سبعيـن
رســم الأبـوّة والنـــسـب والقرابـه
وام العروسة حقها منـك ستيـن
عشــانها ست الحسـن والمــهابـه
واخوانها كلن يبي منـك خمسيـن
عداً ونـــقـداً تنـدرج فـي حســابـه
وخواتها الخمس اعطهن من ثلاثين
عشــان تتـــوثـق عـروق النسـابـه
وتجيب طقم عيار واحد وعشريـن
وخاتم من الماس المصـــفى ترابـه
وأكياس متروسة كعوب وفساتيـن
ألوانهـا وأشـــكالها مـا تــــشابــــه
وموتر بسواقـه وفيـلا بدوريـن
أثاثــهـا مـن بطــرتـه ينـــحكـــابـه
واحجز لنا قاعة بقصر السلاطيـن
واحـجـز بهـا رقـاصتــيـن وربـابـــــه
وامنع دخول اهل اللحى والبزارين
واعــزم أمـيـر المنطقـة بالنــيابـه
هذي الشروط اللي على بالي الحين
وذكرني اللي ما حسبـنـا حسابـه
قلت اذكر الله يا عـدو المساكيـن
واســتغفـره لا يبتــلـيـك بعـــذابـه
الظاهر إنك منت عارف أنا ميـن
أنا لو أرقــا فـوق مـتـن الـسحابـه
ما جبت حتى نص درزن مواعيـن
واضحك بكيــفك واعتبـرهـا دعابـه
شروطكم هذي شـروط المجانيـن
شروطــكم شـغـل ابــتـزاز ونـهابـه
شروطكم تقصم ظهـور البعاريـن
شروطـكـم هـــمّـن وغــــم وكآبـه
شروطكم والله سيوف وسكاكيـن
تذبح بنات المجــتمع مـع شـبابـه
وين الرضا والعطف واليسر واللين
اللي ذكرهـا الله بمــحكـم كتابـه
وين الصفات اللي أمرنا بها الديـن
وين اختفى نهج النبي والصحـابـه
يا عم جعل اللي خلقنا من الطيـن
يرد عقــلك مـن خــطـاه لصــوابـه
ويجعل نصيبي عند غيرك قل آمين
ويحـسن عزا الصابــر ويجزل ثوابه
قال انت لو فكرت تفكير صاحيـن
ما شفت في مجمل شروطي غرابه
حنا بعصـر العــــولمـة والمزايـيـن
ما هوب عصر الفلسـفة والخطــابـه
الناس تسعى للرتـب والنياشيـن
وأنت اهتــمامك بالشـعـر والكـــتابـه
والشعر ما ينفــعك لو هو دواويـن
ما دام جيــبك مـــثـل بيـت الخــرابـه
يا بوك لا تسمع كلام المصاخيـن
واســأل مجرب عاش في وسـط غابه
قلت الله اكبر يا محـرر فلسطيـن
من يسـمعك يحســبك ذيــب الذيـابـه
تراك شايب راس مالـك رياليـن
والبنـــت ما تســــوى جنـاح الذبــابـه
قال انقلع مالت على وجهك الشين
لا عاد اشــــــوفـك عنـدنـا يالــزلابـه
قلت ابشر ابشر لكن الباب من وين
واقـفـيـت من عنده على صوت بابــه